PAMMUJI 123:4 - KITTA' MATANGKASA'

⁴ Sukku'mi batena ikambe nicau-cau ri tukalumanynyanga, siagang nitoa-toai ri tau borroa.

PAMMUJI 123:4 ပူးပေါင်းရင်းမြစ်များ

NEHEMIA 2:19

Ri wattunna naasseng Sanbalat siagang Tobia kammayatompa Gesyem, tu Arab, anjo rancanana ikambe, nakakkalimi siagang nacau-caumi ikambe. Nakana ke'nanga, “Apa ngaseng lanugaukang? Apaka erokko apparicu angngewai karaenga?”

AYUB 12:5

Nupakkanaia' tu cilaka, nampa amang ikau tallasa'nu; tau a'biringa tu'guru' nualle nutunrung ngaseng ba'lalo.

AYUB 16:4

Ebara' angkana ikau ngaseng antu inakke, nampa inakke a'jari ikau ngaseng, akkulle tonja' a'bicara kamma anjo. Kupitambungiangko bicara; lakupammenggong-menggongi ulungku.

PAMMUJI 119:51

Tau borroa sanna' nahinaTa, mingka inakke tena nakudakkai hukkunTa.

YESAYA 32:11

Sa'genna kamma-kamma anne nyamangko ri tallasa'nu, bellako ri kasusaanga. Mingka kamma-kamma anne, annekkere' mako napakamma malla'! La'gasi pakeannu nampa nupasikko' kaeng karunga mae ri aya'nu.

YESAYA 32:9

Pilangngeri, he sikamma baine nyamanga katallassanna, bellaya battu ri kasusaanga!

YEREMIA 48:11

Nakana Batara, “Battu riolo amangi tallasa'na Moab. Tale'bakai niengka' mange ri butta pammelakkanga. Ia rapangi je'ne' anggoro' nibolika sallo siagang tale'bakai nipatiri' antama' ri tampa' anggoro' maraenga. Anggoro'na tuli bau' iji siagang nyamangi.

YEREMIA 48:27

Sai riolo le'baki nikakkali Israel ri Moab siagang napareki carita rapang angkanaya le'baki nirapikang ke'nanga siagang ngaseng palukkaka?

YEREMIA 48:29

Teai sipato' tamponu! Kulangngere'mi antekamma borronu, tinggi langganu koborroannu, siagang katampoannu!

AMOS 6:1

Cilakako ikau ngaseng attallasa' nyamanga ri Sion, siagang amanga pakkasia'na ri Samaria – ikau ngaseng he pamimpinna tau jaia ri anne Israel porea, ikau ngaseng sarroa nibattui ri ra'yaka untu' nipappalakki pannulungang!

LAMPA-LAMPANA 17:21

Nasaba' anjo tau niaka ri Atena siagang sikamma tau niaka battu anjoreng, nangai ke'nanga ampakei wattu-wattu tanjamana a'rappungang ampilangngeri siagang ambicarai passala' apa-apa beru nalangngereka ke'nanga.)

LAMPA-LAMPANA 17:32

Ri wattunna nalangngere' ke'nanga anjo passala' attallasaka ammotere' battu ri kamateanga, nia'mo ri ke'nanga angkakkali Paulus. Nia' todong angkana, “Ero' ijaki' allangngerekko ambicarai pole anne passalaka!”

LAMPA-LAMPANA 26:24

Lalang a'bicara kammana Paulus ampakasingaraki kalenna, ammarrammi Festus nakana, “Pongoro' mako antu Paulus! Napa'jari pongoro' mako anjo pangngassengannu jai dudua!”

1 KORINTUS 4:13

punna nabicara kodiki' taua, nibalasa'mi siagang kana-kana baji'. Sanrapang bajikangang mami loro-lorona anne linoa na ikambe; sa'genna kamma-kamma anne nipasanrapang mamaki' ra'masa'na anne linoa.

1 SAMUEL 17:42

Mingka nacini'na Daud nampa naparhatikang, ammakkala'mi Goliat ancau-caui Daud lanri rungka iji na ga'ga nacini'.