PAMMUJI 121:8 - KITTA' MATANGKASA'

⁸ Ia anjagaiko ri wattu battunu siagang a'lampanu, anne kamma siagang satunggu-tungguna.

PAMMUJI 121:8 ပူးပေါင်းရင်းမြစ်များ

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

EZRA 8:31

Ri tanggala' sampulo anrua bulang makase're, a'lampami ikambe ambokoi Binanga Ahawa mange ri Yerusalem. Lalang ri pa'jappanna ikambe, nijagaimi ikambe ri Allata'alana ikambe battu ri bundu'na siagang pangngadanna musua.

PAMMUJI 113:2

ArenNa lanipa'la'bangi, anne kamma na satunggu-tungguna.

PAMMUJI 115:18

Mingka ikatte attallasaka appala' sukkurukki' mae ri Ia, anne kamma siagang satunggu-tungguna. Pujimi Batara!

PAMMUJI 125:2

Sanrapang moncong-moncong alla'langi Yerusalem, kammaminjo bateNa Batara alla'langi umma'Na anne kamma siagang satunggu-tungguna.

PAMMUJI 131:3

Manrannuangko mae ri Batara, he umma'Na, anne kamma siagang satunggu-tungguna.

PANGNGEBARANG 2:8

Najagai Batara tau adeleka ri panggaukanna, siagang Nala'langi ke'nanga mangngaia ri Ia.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

PAOLE 28:19

Nitunrai sikontu usahanu.

PAOLE 28:6

Nibarakkaki sikontu usahanu.