PAMMUJI 119:91 - KITTA' MATANGKASA'

⁹¹ Sikontu niaka anne kamma, niaki lanri parentaTa, saba' yangaseng ke'nanga ata-atanTa.

PAMMUJI 119:91 ပူးပေါင်းရင်းမြစ်များ

PA'JARIANG 8:22

Ilalang nia'na anne linoa, tuli lania' wattu pa'lamungang siagang wattu pakkattoang, wattu dinging siagang wattu bambang, wattu timoro' siagang wattu bara', wattu allo siagang bangngi.”

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

YESAYA 48:13

LimangKu ampadongkoki dasara'na buttaya siagang ampaka'rangi passimbanga. Punna Kukioki arenna, lintaki battu ke'nanga.

YEREMIA 33:25

Mingka sangkamma bateKu, iNakke, Batara, le'ba' appare' parjanjiang siagang alloa na bangngia, siagang appare' paratorang untu' angngatoroki langika siagang buttaya,

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

MATIUS 8:9

Nasaba' manna inakke amminawang turu' tonja' ri parentana komandang irateangangku. Irawangangku nia' todong siapa are kupimping surudadu, amminawang turuka todong ri parentaku. Punna nia' surudadu kusuro angkana, ‘A'lampako,’ tena ta'lampana. Yareka punna kukana ri maraenganga, ‘Maeko anrinni,’ tena tabattuna mae; kammayatompa punna kuparenta tunisuro-suroku angkana, ‘Gaukangi anne!’ tena tanagaukanna anjo kupassuroanga.”

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

HAKING-HAKING 5:20

Manna olo'-olo' amminawang ngaseng barjuang angngewai Sisera, irate ri panri'bakanna ri alla'na langika.