PAMMUJI 119:88 - KITTA' MATANGKASA'

⁸⁸ Kipasalamaka' lanri tuli mangngamaseanTa, sollanna akkulle kuturuki hukkunTa.

PAMMUJI 119:88 ပူးပေါင်းရင်းမြစ်များ

PAMMUJI 119:124

Kigaukammi mae ri nakke apa situruka janjinTa siagang ajaria' katantuanTa.

PAMMUJI 119:146

Akkioka' ri Katte, Kipasalamaka', erokka' anna'gala' ri paratoranTa.

PAMMUJI 119:149

Kipilangngeria' lanri pangngamaseanTa, o, Batara, Kijagai katallassangku lanri kaadelanTa.

PAMMUJI 119:159

Kiciniki tamaka kungaina parentaTa, o, Batara, Kipasalamaka' lanri pangngamaseanTa.

PAMMUJI 119:2

Mate'nei tau anturukiai parentaNa, siagang sibatu pa'mai'na usaha angngassengi Batara.

PAMMUJI 119:25

Attinroa' lalang ri limbu'buka; Kipammollei tallasakku situru' janjinTa.

PAMMUJI 119:40

Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 132:12

Punna tamamminraya ana'-ana'nu mae ri parjanjiangKu, siagang mannuruki ri sikamma parentaKu, jari untu' satunggu-tungguna turunganna ke'nanga lansambeangko a'jari karaeng.”

PAMMUJI 25:10

Tau mannurukia ri parjanjianNa siagang hukkunNa, Nagau' kamasei siagang tamamminrayai.

PAMMUJI 78:5

Napassareangi hukkunNa mae ri bansa Israel, siagang parentaNa mae turunganna Yakub. Nasuroi boe-boeta ampangngajarrangi mae ri ana'-ana'na ke'nanga,