PAMMUJI 119:53 - KITTA' MATANGKASA'

⁵³ Sanna' larroku mae ri tau ja'dalaka, lanri nabokoi hukkunTa.

PAMMUJI 119:53 ပူးပေါင်းရင်းမြစ်များ

EZRA 10:6

Le'baki ke'nanga assumpa, a'lampami Ezra battu ri dallekanna anjo Balla'Na Batara nampa antama' ri tampa' pammantanganna Yohanan ana'na Elyasib, nampa a'bangngi anjoreng. Taerokai angnganre siagang angnginung napakamma si'na pa'mai'na annawa-nawai panggaukanna anjo sikamma tu le'baka nipela'.

EZRA 9:14

Jari, antekamma lakkulle ija ikambe lambalang parekang iji sikamma anjo parentaTa, siagang la'buntinga pole siagang sikamma anjo tu ja'dalaka? Punna nagaukang ija ikambe anjo sikammaya, mattantu lateai sipato' larroTa, sa'genna Kiancuru' taba sikalimo ikambe siagang talaniakkamo manna sitau laKilappassang attallasa'.

EZRA 9:3

Kulangngere'na anjo kammaya, sanna'mi lussa'na nyawaku, sa'genna kukekke' pakeangku nampa kubi'bu' uukku siagang janggokku nampa ammempo naung, ancuru' kusa'ring pa'maikku.

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

NEHEMIA 5:6

Kulangngere'na akkunrareng ke'nanga, teaimi sipato' larroku.

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

PAMMUJI 119:158

Birisika' anciniki anjo sikamma tau ta'gilinga a'jari bali, lanri tena naturuki ajaranTa.

PAMMUJI 89:30

Kupartahangkangi empoang kala'biranna lalang nia'na ija langika irateanna buttaya, lanaempoi sikontu ana' cucunna.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

2 KORINTUS 12:21

Kukamallakkangi gassingka Napakatuna' Allata'alaku sallang ri dallekannu punna battua' angkunjungiko. Ranggasela tonga' gassingka jaiko sallang lampakarruka', lanri tenana nuero' ampinrai gau' dosanu allaloa, anggaukangi gau' bawanga, gau' ra'masaka, kammayatompa gau' tenaya nasiratang.

FILIPI 3:18

A'mole-molema' ampauangko pole, nakamma-kamma anne kupaui pole nakuangngarru' angkanaya jai tau ambattuang salai matu-matunna anjo kamateanNa Almasi ri kayu sallika.