PAMMUJI 119:49 - KITTA' MATANGKASA'

⁴⁹ Kiu'rangi laloi janjinTa mae ri anne atanTa, janji assarea panrannuang mae ri nakke.

PAMMUJI 119:49 ပူးပေါင်းရင်းမြစ်များ

PA'JARIANG 32:9

Nampa appala' doammo Yakub nakana, “O, Allata'ala, Ia napakalompoa toaku Abraham, siagang manggeku Ishak, poro Kipilangngeri laloa'! IKattemi Batara assuroa' ammotere' mange ri pa'rasangangku siagang bija pammanakangku. Nampa Kijanjima' angkanaya iKatte langngatoroki sikontu-kontuna a'jari baji', untu' inakke.

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

2 SAMUEL 7:25

Na kamma-kamma anne, o Karaeng Allata'ala, poro mangngellaiKi' ampakajarreki janjinTa le'baka Kipau untu' satunggu-tungguna ri passala'na kalengku siagang jari-jariku. Poro mangngellaiKi' naKipa'rupa anjo apa le'baka Kipa'janjiang.

AYUB 7:7

U'rangi, o, Allata'ala, tallasakku poro pa'maikang nappasa'ji; tappelaki kate'neangku, tena sikali bate-batena.

PAMMUJI 105:2

Akkelongko kelong pammuji mae ri Batara, kabarrangi sikontu bate pare'Na appakalannasaka.

PAMMUJI 105:42

Saba' Nau'rangi Batara janjinNa mae ri Abraham, atanNa.

PAMMUJI 106:4

Kiu'rangia', o, Batara, lanri kabajikanTa mae ri ummatTa, Kitulung tonga' punna Kipasalama' ke'nanga.

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

PAMMUJI 119:147

Ambangunga' bari'basa' na kuakkio' appala' tulung; manrannuanga' ri janjinTa.

PAMMUJI 119:43

Kitulunga' untu' tulusu' ampaui annabaya, saba' manrannuanga' mae ri kaputusanTa.

PAMMUJI 119:74

Tau mappilangngeria lasannangi pa'mai'na punna nacinikka', lanri manrannuanga' mae ri janjinTa.

PAMMUJI 119:81

Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 71:14

Mingka inakke tuli lamanrannuanga' mae ri Katte, na pila' jai tau mammuji mae ri Katte.

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.