PAMMUJI 119:45 - KITTA' MATANGKASA'

⁴⁵ Nakulabebasa' lalang tallasakku, lanri usahaku anturuki ajaranTa.

PAMMUJI 119:45 ပူးပေါင်းရင်းမြစ်များ

PAMMUJI 119:133

Kipakajarreki dakkaku situru' janjinTa, teaKi' balang parekangia' nikoasai ri kaja'dallanga.

PAMMUJI 119:148

Sila'busu' bangngia' tena kuttinro, untu' annawa-nawai ajaranTa.

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

PAMMUJI 119:19

Poro sinampe'ja' bawang lammantang ri lino, teaKi' cokkoi hukkunTa mae ri nakke.

PAMMUJI 119:32

Lamannurukia' ri parentaTa siagang sannang pa'mai', saba' iKatte ampa'jaria' la'bi pahang.

PAMMUJI 119:71

Memang bajiki lanri Kihukkunga' sollanna kuasseng sikamma katantuanTa.

PAMMUJI 119:94

Kipasalama' laloa', saba' inakke anne iKatte ampatanga', le'ba'mi kuusahai mannuruki ri kaputusanTa.

PANGNGEBARANG 18:1

Tau ampakabellayai kalenna battu ri paranna tau kalennaji bawang naparhatikang; yangaseng panggappana taua nageakki.

PANGNGEBARANG 4:12

Punna kamma anjo tallasa'nu, tenamo nulanggappa salibanra ri wattu a'jappanu, siagang tenamo nulatatto'ro ri wattunnu lari.

KATO'BA 1:13

Attojeng-tojenga' ero' ansalidiki siagang ampappilajari siagang baji' sikontu apa kajarianga ri anne linoa. Sare le'baka Napasadia Allata'ala untu' ikatte teai sipato' appakasi'nana pa'mai'.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

YOHANES 5:39

Nupilajari Kittaka lanri nupikkiriki angkanaya kammaminjo carana nanugappa katallassang mannannunganga. Na iaminjo Kittaka a'jari sa'bi ri KalengKu.

EFESUS 5:17

Teako dongoki, mingka pappilajari apa Nakaerokia Batara.

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.

YAKOBUS 2:12

A'bicara mako siagang appanggaukang mako salaku tau laniadelia situru' hukkunNa Allata'ala ampakabebasakai rupataua.

2 PETRUS 2:19

Najanjimi taua kabebasang anjo guru-guru takontutojenga, nakalenna ke'nanga nipare' ata iji ri kabiasang ampanrakiai rupataua; nasaba' inai-nai nibeta battu ri se'reang apa-apa, iami nipare' ata battu ri anjo ambetayai.