PAMMUJI 119:43 - KITTA' MATANGKASA'

⁴³ Kitulunga' untu' tulusu' ampaui annabaya, saba' manrannuanga' mae ri kaputusanTa.

PAMMUJI 119:43 ပူးပေါင်းရင်းမြစ်များ

PAMMUJI 119:114

IKattemi mappatojengku siagang pa'la'langangku, manrannuanga' mae ri janjinTa.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 119:13

Kulompoi sa'rangku ampappiassengangi sikontu hukkung Kipassareanga.

PAMMUJI 119:147

Ambangunga' bari'basa' na kuakkio' appala' tulung; manrannuanga' ri janjinTa.

PAMMUJI 119:175

Boli'ma' kamma attallasa', sollanna kumammuji ri Katte, poro nitulunga' ri sikamma katantuanTa.

PAMMUJI 119:52

Kuu'rangi hukkunTa niaka battu riolo dudu, na nisaleorimo pa'maikku, o, Batara.

PAMMUJI 119:74

Tau mappilangngeria lasannangi pa'mai'na punna nacinikka', lanri manrannuanga' mae ri janjinTa.

PAMMUJI 119:81

Sanna' nakku'na pa'maikku mae ri kasalamakkang battua ri Katte; manrannuanga' ri janjinTa.

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PAMMUJI 50:16

Mingka mae ri tu ja'dalaka Nakana Batara, “Ikau tena ha'nu antappui hukkungKu, siagang a'bicara ri passala'na parjanjiangKu.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

PAMMUJI 9:4

A'bokoi na lari musungku ri dallekanTa; tatto'roi ke'nanga na mate.

YESAYA 59:21

LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

EFESUS 1:13

Ikau ngaseng, a'jari tommako umma'Na Allata'ala ri wattunna nulangngere' pasanNa Allata'ala, iamintu Kabara' Baji' assareako kasalamakkang. Tappakko mae ri Isa Almasi iaminjo naNasareko pammatei Allata'ala ma'nassana taunNako, iamintu RohNa, le'baka Napa'janjiang.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.