PAMMUJI 119:38 - KITTA' MATANGKASA'

³⁸ Kipakajarreki janjinTa mae ri anne atanTa, Kipassareanga mae ri tau mannurukia mae ri Katte.

PAMMUJI 119:38 ပူးပေါင်းရင်းမြစ်များ

PAMMUJI 103:11

Mingka antekamma tinggina langika battu ri buttaya, kammaminjo lompo pangngamaseanNa mae ri tau mappilangngeria.

PAMMUJI 103:13

Sanrapang se're mangge mangngamaseang ri ana'-ana'na, kammaminjo Batara mangngamaseang ri tau mappilangngeria.

PAMMUJI 103:17

Mingka tuli Nakamaseangi Batara tu mappilangngeria, tulusu' a'jarina kabajikanNa ri sikontu turungang,

PAMMUJI 119:154

Kipattojenga' ri parkaraku siagang Kilappassanga'; pasalamaka' situru' janjinTa.

PAMMUJI 119:49

Kiu'rangi laloi janjinTa mae ri anne atanTa, janji assarea panrannuang mae ri nakke.

PAMMUJI 119:50

Iaminne ansaleoria' lalang ri pa'risikku, angkanaya anjo janjinTa assarea' tallasa'.

PAMMUJI 119:76

Poro pangngamaseanTa a'jari panynyaleoringku, situru' janjinTa mae ri atanTa.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 147:11

Ia Nangaia Batara iamintu tau mappilangngeria, tau tuli manrannuanga ri pangngamaseanNa.

2 KORINTUS 1:20

Nasaba' le'ba'mi Allata'ala angkana “Iyo” mae ri sikontu janjinNa, tete ri KalenNa Isa Almasi. Lanri kammanami anjo nakiangkanamo “Aming” mae ri Allata'ala, tete ri KalenNa Isa Almasi. Kammami anjo nagaukanga ikambe sollanna nipakala'biri' Allata'ala.