PAMMUJI 119:3 - KITTA' MATANGKASA'

³ Mate'nei tau attallasaka situru' ero'Na Batara, siagang tenaya nagaukangi kaja'dallanga.

PAMMUJI 119:3 ပူးပေါင်းရင်းမြစ်များ

AYUB 36:11

Punna mannuruki siagang anynyomba ke'nanga ri Allata'ala, laamangi siagang lakala'biangi ke'nanga lalang tallasa'na sa'genna ammoterang.

YEREMIA 7:23

Poro Kuparentakanji bawang ke'nanga sollanna mannuruki ri Nakke, sollanna iNakke a'jari Allata'alana ke'nanga, siagang ke'nanga a'jari ummakKu. Kusuroi ke'nanga attallasa' situru' parenta-parentaKu sollanna mate'ne ke'nanga.

YEHEZKIEL 18:17

Tale'bakai a'gau' ja'dala' yareka assare angnginrang nappala' bunga. Mannuruki ri hukkung-hukkungKu siagang nagaukangi parentaKu. Anjo anaka tena nalamate lanri dosa-dosana manggena, passangalinna latuli attallasaki.

1 YOHANES 3:9

Inai-nai a'jarimo ana'Na Allata'ala, tenamo natuli la'gau' dosa, nasaba' nia'mi sipa'Na Allata'ala ri kalenna. Nasaba' iaminjo Allata'ala Manggena, tenamo natuli lanagaukang ija dosaya.

1 YOHANES 5:18

Niassengi angkanaya sikontu tau a'jariamo ana'-ana'Na Allata'ala, tenamo natuli a'gau' dosa ija; nasaba' nijagai ri Ana'Na Allata'ala siagang takkulleami I Ja'dala' a'gau' apa-apa mae ri ia.