PAMMUJI 119:165 - KITTA' MATANGKASA'

¹⁶⁵ Tau mangngaia ri hukkunTa amangi na sannang, tena akkulle anrompai ke'nanga.

PAMMUJI 119:165 ပူးပေါင်းရင်းမြစ်များ

PAMMUJI 119:56

Anggappa' kate'neang lalang mannurukingku ri sikamma parentaTa.

PANGNGEBARANG 3:17

Kacara'dekanga napakasannangi tallasa'nu siagang napa'jariko salewangang.

PANGNGEBARANG 3:23

La'jappako siagang amang, siagang tena nulatatto'ro.

YESAYA 26:3

O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.

YESAYA 28:13

Lanri kammana anjo laNaajarakko Batara tasse're-se're hurupu', tassibuku-tassibuku kana, kammayatompa tassilampang-tassilampang bicara. Na ri wattunnu a'jappa latu'guru' tumingarako sa'gennu loko', nialle ri sikko' siagang nitahang.

YESAYA 32:17

Tunggala' taua lanagaukangi apa annabaya, sa'genna nia' kasalewangang siagang kasannangngang sa'genna satunggu-tungguna.

YESAYA 57:14

Nia' tau angkana, “Pareki siagang pasadiai oloanna ummakKu, pakabellai sikontu anrompaia.”

YESAYA 57:21

Tena kasannangngang mae ri tau dorakaya,” Nakana Batara.

MATIUS 13:21

Mingka tena nasallo attahang anjo kabaraka lanri tenana nabaji' angngaka'na anjo kabaraka lalang ri atinna ke'nanga. Punna natabamo susa yareka passessa ke'nanga lanri anjo kabaraka, ta'giling memammi silalonna atinna ke'nanga.

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

FILIPI 4:7

Na Iaminjo Allata'ala takkullea napahang akkala'na rupataua, lassareko katallassang salewangang; siagang langkatutui nyawanu siagang pikkirannu le'bakamo asse're siagang Isa Almasi.

1 YOHANES 2:10

Inai-nai angkamaseangi sari'battanna, anjo taua attallasa'mi lalang ri singaraka, sa'genna tenamo apa-apa ri kalenna akkullea a'jari saba' natu'guru' naung ri dosaya paranna tau.