PAMMUJI 119:16 - KITTA' MATANGKASA'

¹⁶ A'jari sannangi pa'maikku lanri katantuanTa; tena nalakukaluppai ajaranTa.

PAMMUJI 119:16 ပူးပေါင်းရင်းမြစ်များ

PAMMUJI 1:2

mingka masarro nangai anggaukangi parentaNa Batara nanawa-nawa allo bangngi.

PAMMUJI 119:109

Tuli kubotori nyawaku, mingka tena nakukaluppai hukkunTa.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 119:14

Rannua' anturuki parenta-parentaTa, sanrapang kupatang ngaseng sikamma apa-apaya.

PAMMUJI 119:141

Inakke anne ca'dia' siagang tuna dudua', mingka tena nakubalang parekang ajaranTa.

PAMMUJI 119:143

Nitujua' ri kasukkarrang siagang kasusaang, mingka katantuanTa ampakarannui pa'maikku.

PAMMUJI 119:153

Kiciniki pa'risikku siagang Kipasalama' laloa', saba' tena nakubalang parekangi hukkunTa.

PAMMUJI 119:174

Nakkuki pa'maikku mae ri kasalamakkang battua ri Katte, hukkunTa ampakarannui pa'maikku.

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

PAMMUJI 119:24

Paratorang-paratoranTa a'jari pappakaingakku ia ampakasannangi pa'maikku.

PAMMUJI 119:35

Poro manna'gala' jarreka' mae ri parentaTa, lanri iaminjo pangngaingku.

PAMMUJI 119:47

Kasannangangku iamintu anggaukangi parentaTa, saba' mangngaia' ri ia.

PAMMUJI 119:61

Tau ja'dalaka natannangngia' sikko', mingka tena kukaluppai hukkunTa.

PAMMUJI 119:70

Sikamma anjo taua tena napahangi, mingka untu' inakke anjo hukkunTa appakasannangi pa'mai'.

PAMMUJI 119:77

Kikamaseanga', nakutuli attallasa', lanri hukkunTa napakasannangi pa'maikku.

PAMMUJI 119:83

Akkapurru'mi bukkulengku sanrapang pammoneang anggoro' toa, mingka tena nakukaluppai katantuanTa.

PAMMUJI 40:8

Nampa kukana, “Annemi kalengku, lalang gulungang kitta' tattulisika untu' inakke:

PANGNGEBARANG 21:15

Punna nipajappa kaadelanga, baji'mi pakkasia'na tau bajika, mingka tau ja'dalaka tena naamang nasa'ring.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

ROMA 7:22

Atingku lalang nangai apa-apa Napassuroanga Allata'ala,