PAMMUJI 119:154 - KITTA' MATANGKASA'

¹⁵⁴ Kipattojenga' ri parkaraku siagang Kilappassanga'; pasalamaka' situru' janjinTa.

PAMMUJI 119:154 ပူးပေါင်းရင်းမြစ်များ

AYUB 5:8

Ebara' inakke natuju antu apa nukasiaka, lakkioka' mae ri Allata'ala. Lama'rikonga' mae ri Ia, na kuerang mae ri Ia parkaraku.

PAMMUJI 119:25

Attinroa' lalang ri limbu'buka; Kipammollei tallasakku situru' janjinTa.

PAMMUJI 119:38

Kipakajarreki janjinTa mae ri anne atanTa, Kipassareanga mae ri tau mannurukia mae ri Katte.

PAMMUJI 119:40

Kisarea' katallassang beru, saba' iKatte adelekKi', inakke cinna' mannuruki ri sikamma kaputusanTa.

PAMMUJI 35:1

Pammujina Daud. O, Batara, Kiewai tau angngewaya', Kibunduki tau ambundukia'.

PAMMUJI 35:23

Ammenteng maKi' naKipattojenga' ri parkaraku, o, Allata'alaku siagang Bataraku, Kitulung laloa'!

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PANGNGEBARANG 22:23

Saba', laNialleangangi ri Batara ri parkarana ke'nanga, siagang laNaallei nyawana tau anjallakkangai ke'nanga.

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

MIKHA 7:9

Doraka maki' ri Batara, lanri kammana anjo musti nikasiaki pangngalarroinNa. Mingka tasalloami naNaalleiki' siagang Nasareki' kaadelang. LaNaerangki' assulu' mae ri singaraka; lanikasiaki kalenta angkanaya Ia ampasalamakki'.

1 YOHANES 2:1

Sikamma ana'-anakku! Iaji nakutulisi' anne suraka kakukellaiko sollanna tena nugaukangi dosaya. Mingka punna nia' a'gau' dosa, nia' akkulle angngalleiki' iamintu Isa Almasi, Ia adeleka; laNapappala' tulungangki' mae ri dallekanNa Manggea.

1 SAMUEL 24:15

Batara la'jari haking mae ri katte sipa'rua, ikatte karaeng siagang anne atanta. Tapporo Naparessai anne parkaraya, na Nabantu atanta siagang Napasalama' atanta battu ri karaeng.”

1 SAMUEL 24:16

Le'ba'na Daud akkana kamma anjo, nakanamo Saul, “Ikauka antu Daud, anakku?” Nampa angngarru'mi Saul.