PAMMUJI 119:145 - KITTA' MATANGKASA'

¹⁴⁵ Akkioka' mae ri Katte siagang sibatu pa'maikku; Kipiali laloa', o, Batara, erokka' mannuruki ri parentaTa.

PAMMUJI 119:145 ပူးပေါင်းရင်းမြစ်များ

PAMMUJI 102:1

Pappala' doang tau ballasa', sanna' mangnganna nakkunrareng ri Batara.

PAMMUJI 119:10

Lalang sibatu pa'maikku kuusahai angngassengKi', teaKi' lappassangngia' andakkai parentaTa.

PAMMUJI 119:106

Kupa'janjianga siagang sumpa lakurupai, untu' anna'gala' ri kaputusang adeletTa.

PAMMUJI 119:115

He tau ja'dalaka, bellako battu ri nakke! Erokka' mannuruki ri parentaNa Allata'alaku.

PAMMUJI 119:44

Erokka' anna'gala' ri hukkunTa, sa'genna satunggu-tungguna.

PAMMUJI 119:58

Sibatu pa'maikku appala' pangngamaseanTa Kikamaseang laloa' situru' janjinTa.

PAMMUJI 119:8

Erokka' mannuruki ri hukkunTa, tea sikaliKi' a'lampai ambokoia'.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 86:4

O, Batara, Kipakarannui pa'mai'na atanTa, saba' mae ri Katte tattuju atingku.

YEREMIA 29:13

LanuboyA' nampa lanubuntulukKa', lanri attojeng-tojenna pa'mai'nu amboyA'.

1 SAMUEL 1:15

Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.