PAMMUJI 119:120 - KITTA' MATANGKASA'

¹²⁰ Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 119:120 ပူးပေါင်းရင်းမြစ်များ

2 KARAENG-KARAENG 22:11

Nalangngere'na karaenga antekamma bonena anjo kittaka, nakae-kaemi pakeanna napakamma si'na pa'mai'na.

1 PATTOTTORANG 24:30

Ana' bura'nena Musi nia' tallu tau, iamintu: Mahli, Eder, siagang Yerimot. Iaminjo sikamma kaluargaya lalang ri suku Lewi.

2 PATTOTTORANG 34:21

“A'lampako mange akkuta'nang ri Batara untu' inakke siagang untu' sikontu tu Israel siagang tu Yehuda niaka ija kamma-kamma anne ri passala'na bonena anne kittaka. Larroi Batara mae ri katte lanri tena nagaukangi boe-boeta sikamma apa niparentakanga lalang ri anne kittaka.”

2 PATTOTTORANG 34:27

assesse' lalang mako siagang nupakatunami kalennu ri dallekangKu. Le'ba'mi Kupau angkanaya laKuhukkungi Yerusalem siagang sikontu pandudu'na, mingka ri wattu nulangngere'na anjo kanangKu angngarru' mako siagang nukae-kaemi pakeannu tanra si'nana nyawanu. Kulangngere'mi pappala' doannu,

AYUB 23:15

Lanri mallakku ri Ia, nakuannekkere'mo; pila' kunawa-nawana ngaseng anjo kammaya, pila' malla'ma'.

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

PAMMUJI 119:53

Sanna' larroku mae ri tau ja'dalaka, lanri nabokoi hukkunTa.

PAMMUJI 88:16

Battu ri ca'diku inji kuballasa' siagang niodo' ri kamateang, dodonga' ampisa'ringi hukkunganTa.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

IBRANI 12:21

Teai sipato' heba'na anjo apa nacinika tu Israel; sa'genna nakanamo Musa, “Mallakka' siagang annekkerekka'!”

1 SAMUEL 6:20

Nampa nakanamo panduduka ri Bet-Semes, “Inai akkulle attahang ri dallekanNa Batara, Allata'ala Matangkasaka? Kemaei akkulle niantara' anne Pattia sollanna bella battu ri katte?”