PAMMUJI 119:112 - KITTA' MATANGKASA'

¹¹² Cinna' mannuruki ri katantuanTa sa'genna kala'busang tallasakku.

PAMMUJI 119:112 ပူးပေါင်းရင်းမြစ်များ

1 KARAENG-KARAENG 8:58

Poro Napa'jariki' tau tamamminra ri Ia sollanta tuli attallasa' situru' ero'Na siagang mannuruki ri sikontu hukkunNa siagang parentaNa ia le'baka Napassareang mae ri boe-boeta.

2 PATTOTTORANG 19:3

Mingka manna nakamma nia' tongija apa baji' ri kalenta. Le'ba'mi Kipakabella sikontu patunna Dewi Asyera nasombaya ra'yaka siagang kiusahakang tommi anggaukangi ero'Na Allata'ala lalang tallasatta.”

EZRA 7:10

Napakkalepumi sikontu pikkiranna Ezra mae ri usaha untu' ampappilajari HukkunNa Batara, sollanna akkulle nagaukang siagang napangngajarrang sikontu katantuanna siagang paratoranna mae ri bansa Israel.

PAMMUJI 119:33

O, Batara, ajarakka' battuanna sikamma katantuanTa, sollangku mannuruki sa'genna kala'busang.

PAMMUJI 119:36

Kisarea' kacinnang untu' mannuruki ri paratoranTa, la'biangngang na cinnaya a'jari kalumanynyang.

PAMMUJI 119:44

Erokka' anna'gala' ri hukkunTa, sa'genna satunggu-tungguna.

PAMMUJI 141:4

Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

PAMMUJI 18:22

Mannurukia' ri parentaNa Batara na tena kumassaile ma'boko battu ri Allata'alaku.

PANGNGEBARANG 2:2

Parhatikangi nikanaya cara'de' siagang usahai ampahangi.

FILIPI 2:13

nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

YOSUA 24:23

Angkanami Yosua, “Punna kamma paleng, pakabella ngasemmi rewata-rewatana bansa maraenga, ia niaka ri kau, siagang a'janji mako angkanaya talamamminrayai pa'mai'nu mae ri Batara, Allata'alana Israel.”

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.