PAMMUJI 119:103 - KITTA' MATANGKASA'

¹⁰³ Tamaka te'nena kana-kananTa, te'neangngangi naje'ne' bania!

PAMMUJI 119:103 ပူးပေါင်းရင်းမြစ်များ

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PAMMUJI 19:10

Anjo manynyombaya ri Batara bajiki, nigaukang satunggu-tungguna. Anjo hukkunNa Batara tojengi, na adele' ngaseng.

PAMMUJI 19:11

Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

PAMMUJI 63:5

Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

PANGNGEBARANG 2:10

La'jariko tu cara'de', siagang anjo pangngassengannu lanapakarannui pa'mai'nu.

PANGNGEBARANG 3:17

Kacara'dekanga napakasannangi tallasa'nu siagang napa'jariko salewangang.

PANGNGEBARANG 8:11

Inakkemi kacara'dekang, la'biangngang anggaranna na barliang; takkulleai nipasanrapang siagang sikontu apa nukacinnaia.

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

YEHEZKIEL 3:3

Nakana, “He tau, kanrei! Bonei battannu siagang anne kitta' nigulunga.” Nampa kukanre anjo kittaka na kasia'na te'nei sangkamma je'ne' bani.

PAPPICINI' 10:10

Kuallemi anjo gulungang ca'dia battu ri limanna nampa kukanre. Sangkammai je'ne' bani kasia'na lalang ri bawaya, mingka ri wattunna kua'lu', a'jari paiki lalang ri battanga.