PAMMUJI 118:27 - KITTA' MATANGKASA'

²⁷ Batarami Allata'ala, malammoro' pa'maiki mae ri katte. Maju mako a'barrisi' siagang tangke kayu ri limannu, siagang kulilingi tampa' pakkoro'bangnganNa Batara.

PAMMUJI 118:27 ပူးပေါင်းရင်းမြစ်များ

1 KARAENG-KARAENG 18:21

Nampa nareppesi Elia anjo ra'yaka na nakana, “Sa'ge kemaepi ero'nu a'rua nyawa? Punna Batara, Batara musti nusomba. Punna anjo Baal Allata'ala, iami nusomba.” Anjo ra'ya' niaka a'rappungang, tena nia' akkana.

1 KARAENG-KARAENG 18:39

Nacini'na ra'yaka anjo apa kajarianga, su'ju'mi ke'nanga naung ri buttaya, nampa nakana ke'nanga, “Batarami Allata'ala. Ma'nassa tojenna anjo Batara, Allata'ala!”

1 PATTOTTORANG 29:21

Ammukona ammolommi ke'nanga olo'-olo' untu' a'jari koro'bang passare mae ri Batara, nampa nibage-bage mae ri sikontu ra'yaka. Pantaranganna anjo nia' 1.000 sapi laki, 1.000 gimbala' laki, 1.000 gimbala' laki rungkaya nipolong siagang nitunu akkayu irate ri tampa' pakkoro'bangnganga. Assare tommi ke'nanga anggoro' ia nitantukanga untu' massing-massing anjo sikamma koro'banga.

ESTER 8:16

Assauimi nyawana siagang sannammi pa'mai'na, sunggumi, kammayatompa lompomi nyawana tu Yahudia.

PAMMUJI 18:28

Kipasalamaki tau tuna pa'maika, mingka Kipadundui tau tampoa.

PAMMUJI 37:6

Ia lampa'nyatai tamamminranu sanrapang singaraka, siagang kalambusannu sanrapang alloa.

KALAPPASSANG 27:2

Massing panyingkulu' bageang iratena musti niparekangi tanru'-tanru' a'jari se'rea siagang tampa' pakkoro'bangnganga. Yangasenna musti nilapisi siagang tambaga.

KALAPPASSANG 38:2

Ri tunggala' panyingkulu' bageang ratena nipareki tanru' assiallea siagang anjo tampa' pakkoro'bangnganga. Yangasenna nilapisi siagang tambaga.

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YESAYA 9:2

O, Batara, Kisarei ke'nanga karannuang lompo, Kipa'jari ke'nanga makkio' rannu. Rannui ke'nanga lanri kabajikanTa, rapang tau a'rannu-rannua wattu napasse'rena wassele' kattoanna, yareka a'bage barang nirampasa'.

MIKHA 7:9

Doraka maki' ri Batara, lanri kammana anjo musti nikasiaki pangngalarroinNa. Mingka tasalloami naNaalleiki' siagang Nasareki' kaadelang. LaNaerangki' assulu' mae ri singaraka; lanikasiaki kalenta angkanaya Ia ampasalamakki'.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.