PAMMUJI 116:7 - KITTA' MATANGKASA'

⁷ Kupakasannangi pa'maikku, saba' bajiki Batara mae ri nakke.

PAMMUJI 116:7 ပူးပေါင်းရင်းမြစ်များ

PAMMUJI 119:17

Poro lammoro' pa'maikKi' mae ri anne atanTa, sollangku tuli attallasa' na kumannuruki ri ajaranTa.

PAMMUJI 13:6

Nasaba' pangngamaseanTa kupattoang, jari larannua' lanri iKatte ampasalamaka'. Erokka' makkelong untu' Batara, nasaba' le'ba'na a'gau' baji' mae ri nakke!

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

YEREMIA 30:10

UmmakKu Israel, teako mallakki! AtangKu Yakub, teako annekkereki! Ikau siagang jari-jarinu laKupasalamakko battu ri pa'rasangang bella, tampa'nu nipela'. Lammoterekko siagang lammantangko ri pa'rasangannu siagang amang. Lasannangko lalang tallasa'nu; tena parallu nukamallakkang.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

HOSEA 2:7

Lanaondangi sikamma tanring-tanrinna, mingka tena nalata'rapi' mae ri ke'nanga. Lanaboyai ke'nanga, mingka talanabuntulai ke'nanga. Nampa lanakanamo, ‘Erokka' ammotere' mange ri bura'ne rioloku; riolo la'bi bajikangngangi katallassangku nakamma-kammaya anne.’