PAMMUJI 116:6 - KITTA' MATANGKASA'

⁶ Naparakai Batara sikamma tau biasaya; wattunna tena pakkulleku Ia ampasalamaka'.

PAMMUJI 116:6 ပူးပေါင်းရင်းမြစ်များ

PAMMUJI 106:43

A'mole-molei nipakabebasa' ke'nanga ri Batara, mingka la'bi nangai ke'nanga angngewa, sa'genna posso' ke'nanga lalang dosa-dosana ke'nanga.

PAMMUJI 142:6

Akkioka' mae ri Katte, o, Batara, iKattemi tampa' pa'la'langangku, iKatteji bawang kuparalluang lalang ri anne tallasakku.

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

PAMMUJI 25:21

Poro nirurungang laloa' ri kabajikang siagang kalambusang, saba' manrannuanga' mae ri Katte.

PAMMUJI 79:8

TeaKi' hukkungi ikambe lanri dosana boe-boena ikambe. Linta' maKi' kamaseangi ikambe, lanri tappu' minasami ikambe.

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

ROMA 16:19

Naasseng ngasemmi taua angkanaya tamalanreako mae ri pangngajarang Kabara' Baji' battua ri Allata'ala. Na sannammo pa'maikku mae ri kau ngaseng lanri anjo passalaka. Kuminasai sollannu cara'de' mae ri apa-apa bajika, na nudongo' mae ri apa-apa ja'dalaka.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

KOLOSE 3:22

Ikau ngaseng a'jari palayanga! Lalang ri apa-apa mamo, paralluko amminawang turu' mae ri pinggawanu ri anne linoa. Teako naiaja bawang numminawang turu' punna niaki anjagaiko, lanri ero'nu nipalece. Turuki ke'nanga situlusu' pa'mai'nu, lanri nupakala'biri'na Batara.