PAMMUJI 116:17 - KITTA' MATANGKASA'

¹⁷ Langngeranga' koro'bang sukkuru' mae ri Katte, nakuappanai' pappala' doang mae ri Katte.

PAMMUJI 116:17 ပူးပေါင်းရင်းမြစ်များ

PAMMUJI 107:22

Boli'mi kamma appala' sukkuru' ke'nanga angngerang passare, na nakabarrang panggaukanNa siagang kelong-kelong marannu.

PAMMUJI 116:13

Erokka' angngerang passare anggoro' mae ri Batara untu' angkasukkurangi pannulunNa.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

KAIMANGNGANG 7:12

Punna nipassareang anjo koro'banga untu' appala' sukkuru', anjo olo'-oloka musti nikoro'bangkangi siagang roti tenaya nammake pa'gambang. Anjo rotia akkullei kapala', nipareka battu labu' nipasileoka minynya' zaitun, akkulle tongi roti kalotoro' nipisika siagang nisapua siagang minynya', yareka kanrejawa labu' nipasileoka siagang minynya' zaitun.

LAMPA-LAMPANA 2:42

Tuli attojeng-tojemmi ke'nanga appilajara' ri tunisuroNa Allata'ala. Siagang tuli a'rappungammi ke'nanga appala' doang siagang sipangnganreang.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:6

Anjoremmi ri tampaka musti nuerang sikamma koro'bang nitunua siagang sikamma koro'bang maraenganga, passare bage sampulona panggappannu siagang passare maraengannaya, koro'bang pa'bayara' tinja'nu, koro'bang passare ero' kalennu, kammayatompa ana' sapi, ana' bembe, siagang ana' gimbala' bungasa' lassuka.

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.