PAMMUJI 116:1 - KITTA' MATANGKASA'

¹ Mangngaia' ri Batara, saba' Napilangngeria' na Naparhatikang pappalakku.

PAMMUJI 116:1 ပူးပေါင်းရင်းမြစ်များ

PA'JARIANG 35:2

Nakanamo Yakub mae ri kaluargana siagang sikontu tau naaganga, “La'lampaki' anrinni nampa mangeki' ri Betel. Lambangunga' anjoreng tampa' pakkoro'bangngang untu' Allata'ala, Ia le'baka antulunga' ri wattungku lalang kasukkarang siagang le'baka anjagaia' manna kemae lampaku. Jari pela' ngasengi sikontu patung-patung maraenga ia niaka ri kau. Tangkasi ngasengi kalennu siagang pakei pakeang tangkasa'nu.”

1 KARAENG-KARAENG 9:3

Nakanamo Batara ri ia, “Kulangngere'mi pappala' doannu, siagang kamma-kamma anne Kupaumi angkanaya anne balla' le'baka nubangung Kupa'jarimi tampa' matangkasa' untu' passambayangannu mae ri Nakke satunggu-tungguna.

PAMMUJI 119:132

Assaile maKi' mae ri nakke siagang Kikamaseanga', sangkamma Kikamaseanna tau mangngaia ri Katte.

PAMMUJI 28:6

Nipujimi Batara, saba' Napilangngerimi pappalakku.

PAMMUJI 40:1

Untu' pamimping pakelong. Pammujina Daud.

PAMMUJI 69:33

Nacini'na kammaya anjo, rannumi tau nijallakkanga, lompomi pa'mai'na tau anynyombaya ri Allata'ala.

YESAYA 38:15

Apa akkulle kupau? Anne gau'Na Batara; takkullea' attinro lanri si'na.

PIRAUNG 3:56

Kupala' dudui gassingka Kitongkoki tolinTa mae ri pappalakku sollanna Kitulunga'. NaKipilangngerimo pappalakku, siagang battu maKi' a'reppese'; Kikana, ‘Teako mallakki.’

YUNUS 2:3

Kipasambila' antama' ri tampa' lantanga, sa'genna irawanganna tamparanga. Anjorenga' nitammulili ri lo'loro'na je'neka, napatappasakka' bombang lompoa.

PAMMILANGNGANG 21:3

Natarimami Batara pappala'na anjo tu Israel; Natulummi ke'nanga sa'genna nabeta anjo tu Kanaan. Jari niancuru'mi anjo tu Kanaan siagang sikamma kotana ke'nanga ri tu Israel; nampa naareng ke'nanga anjo tampaka Horma.

MARKUS 12:33

Na sikontu taua musti nakamaseangi Allata'ala ilalang sitepu atinna, siagang sitepu akkala'na, kammayatompa sitepu pakkullena. Siagang musti nakamaseang tongi paranna tau sangkamma batena angkamaseangi batangkalenna. Bajikangangi anjo kala assarea koro'bang nitunua yareka koro'bang maraenga mae ri Allata'ala.”

YOHANES 16:24

Sa'genna kamma-kamma anne tenapa nule'ba' appala' apa-apa lalang arengKu. Appalakko, nalanugappa, sollanna a'jari sukku' karannuannu.”

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

1 YOHANES 4:19

Mangngamaseangki', lanri Allata'ala la'bi riolo angkamaseangki'.

1 SAMUEL 1:26

Nakana Hana mae ri Eli, “Pammopporanga' bapa'. Kiu'rangi ija' bapa'? Inakke minne baine le'baka kicini' ammenteng anrinni, appala' doang mae ri Batara.