PAMMUJI 113:5 - KITTA' MATANGKASA'

⁵ Inai sangkammanna Karaeng Allata'alata? Ia ammempo ri empoang kala'birang ri tampa' tinggia.

PAMMUJI 113:5 ပူးပေါင်းရင်းမြစ်များ

PAMMUJI 103:19

Ammarentai Batara ri suruga, Ia Karaeng makoasa mae ri sikontu-kontuna.

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

PAMMUJI 35:10

Nakanamo sikontu pa'maikku, “O, Batara, tena sanrapanTa! Kilappassangi tau lammaya battu ri tau gassinga, tu kasi-asia siagang tu pa'risika battu ri tumanjallakkanna.”

PAMMUJI 89:6

Passirapakkanga ri suruga mammuji ri gau'-gau' mappakalannasatTa, na nakelongang tamamminraTa, o, Batara.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

PAMMUJI 89:8

NipakalompoKi' ri sikamma tau matangkasaka, nikamallakkangKi' la'biangngang nasikontu niaka ri tammuliliTa.

PAMMUJI 89:9

O, Batara, Allata'ala Kaminang Koasaya, inaika sangkammanna gassinTa? MajarreKi' lalang sikontu-kontuna, o, Batara.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

YESAYA 16:5

Nampa nia' sitau turunganna Daud la'jari karaeng, na lanaparenta bansana siagang pangngamaseang tamamminraya. Lanapaentengi kaadelanga siagang langngallei linta' tindakang untu' anggaukangi katojenganga.)

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.