PAMMUJI 112:2 - KITTA' MATANGKASA'

² Lakoasai ana'-ana'na ri anne pa'rasanganga, turungang tau baji' siagang lanibarakkaki.

PAMMUJI 112:2 ပူးပေါင်းရင်းမြစ်များ

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 25:11

Ri wattu matenamo Abraham, Nabarakkakimi Allata'ala anjo Ishak, ana'na Abraham. Anjo wattua ammantangi Ishak ri ampi'na bungung niarenga “Iami Amparhatikanga'”.

PAMMUJI 102:28

Mingka iKatte tulusu' kammaTa, tena kale'bakkanna tallasatTa.

PAMMUJI 25:13

Tuli lasukkuki ke'nanga lalang tallasa'na, lanawarisiki ana' cucunna ke'nanga tana pisakaya,

PAMMUJI 37:26

Tuli appappinrangi siagang assarei, na'jari barakka' ana'-ana'na mae ri kalenna.

PANGNGEBARANG 11:21

Tau ja'dalaka mattantu langgappai hukkungang; tau bajika lasalamaki.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

PANGNGEBARANG 20:7

Ana'-anaka upaki punna nia' manggena mabajika siagang malambusuka ri tallasa'na.

YEREMIA 32:39

LaKusarei ke'nanga poro se're bawang oloang mange ri katallassanga: iamintu, napakalompoA' satunggu-tungguna; anjo kammaya langngerangi kabajikang mae ri kalenna ke'nanga, siagang mae ri jari-jarina.

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”