PAMMUJI 11:4 - KITTA' MATANGKASA'

⁴ Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

PAMMUJI 11:4 ပူးပေါင်းရင်းမြစ်များ

1 PATTOTTORANG 17:5

Appakkaramula Kupasulu'na bansa Israel battu ri Mesir sa'genna kamma-kamma anne, tena le'bakapA' ammantang lalang ri se'reang balla'. Tuli lalangKu ri kemaya ammantang.

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

AYUB 24:23

Allata'ala assarei tallasa' salewangang, mingka tenammarina Najannangngi.

PAMMUJI 103:19

Ammarentai Batara ri suruga, Ia Karaeng makoasa mae ri sikontu-kontuna.

PAMMUJI 113:5

Inai sangkammanna Karaeng Allata'alata? Ia ammempo ri empoang kala'birang ri tampa' tinggia.

PAMMUJI 139:23

Kisalidikia' o, Allata'ala, kitarrusi pa'maikku, so'ria siagang Kiassemmi pikkirangku.

PAMMUJI 14:2

Battu ri suruga Naciniki Batara umma' rupataua untu' amboyai tau annabaya siagang anynyombaya ri Ia.

PAMMUJI 18:6

Nitammulilia' ri bahayana kamateanga, sikko'na kamateanga niaki ri dallekangku.

PAMMUJI 2:4

A'mele'mi Batara ri empoang kala'biranNa ri suruga nacau-cau rancanana ke'nanga.

PAMMUJI 33:13

Battu ri suruga accini' naung Batara, na Nacini' sikontu umma' rupataua.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 66:7

Ammarentai siagang porena sa'genna satunggu-tungguna. Najannangngi bansa-bansaya, sollanna takkullea borro tau angngewaya ri Ia.

PAMMUJI 9:11

Tau mangngassenga ri Katte manrannuangi ri Katte, o Batara, tu manynyombaya ri Katte tena naKibokoi.

PANGNGEBARANG 15:3

Naciniki Batara sikontu apa kajarianga ri sikontu tampa'; Naparhatikangi sikontu apa bajika siagang ja'dalaka.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

MIKHA 1:2

Pilangngeri, he sikamma bansa-bansaya! Parhatikangi, he pandudu'na sikontu linoa! Niaki battu Batara Kaminang Tinggia salaku sa'bi ambaliang ngasengko! Pilangngerimi a'bicara battu ri Balla' matangkasa'Na ri suruga.

HABAKUK 2:20

Niaki Batara lalang ri Balla'Na matangkasaka; siratangi sikontu taua ri tompo'na buttaya a'mereki ri dallekanNa.

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

MATIUS 23:21

Siagang punna nia' tau assumpa na napau Balla'Na Batara, battuanna napalalang ngasemmi Balla'Na Batara, kammayatompa pole Allata'ala ammantanga ilalang.

MATIUS 5:34

Mingka anne kamma Kukana ri kau ngaseng: tea' laloko assumpai. Teako assumpai lanri langika, nasaba' anjo langika empoang kala'biranNa Allata'ala;

LAMPA-LAMPANA 7:49

‘Langika a'jari empoang kala'birangKu, na linoa a'jari pa'dongkokang bangkengKu. Balla' apa eroka nupaentengangA'? Kemae tampa' laKupammari-maria?

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

PAPPICINI' 4:2

Anjo wattua Nakoasai memamma' RohNa Allata'ala. Nampa nia' kucini' ri suruga se're empoang kala'birang, na nia' tau ammempo ri anjo empoang kala'biranga.