PAMMUJI 109:23 - KITTA' MATANGKASA'

²³ A'biringa' tappela' sanrapang bayang-bayang ri wattu karueng, nibe'besanga' sanrapang katimbang.

PAMMUJI 109:23 ပူးပေါင်းရင်းမြစ်များ

1 PATTOTTORANG 29:15

Kiassengi o Batara, angkanaya sangkamma boe-boena ikambe, ikambe anne pole nijappai anne katallassanga sanrapangki' tubattu-battu bawang. Katallassanna ikambe sanrapanji bayang-bayang allaloa, siagang takkulleai ikambe alliliangi kamateanga.

AYUB 14:2

Ta'bakkaraki nampa kalumeng sanrapang bunga; lanynyaki sanrapang bayang-bayang, tulusu' a'jari lanynya'.

PAMMUJI 102:12

Allaloi tallasakku sanrapang bayang-bayang ri wattu karueng; a'jari kalumenga' sanrapang ruku'.

PAMMUJI 144:4

Anjo rupataua sanrapanji anging mammiri', sanrapang bayang-bayang allaloa, kammaminjo tallasa'na.

KALAPPASSANG 10:13

Naangka'mi Musa takkanna nampa appa'nia'mo Batara anging battu raya ammiri' ri anjo pa'rasanganga sila'busu'na alloa siagang sila'busu'na bangngia. Lanarapiki bari'basaka, angngerammi katimbang anjo anginga,

KALAPPASSANG 10:19

Jari Napinrami Batara lampana anjo anginga a'jari anging battu lau', ia sannaka kancanna. Niirikammi ri anging anjo sikontu katimbanga nampa nierang mange ri Tamparang Alara'. Manna sikayu tania' ammantang ri sikontu pa'rasangang Mesir.

KATO'BA 6:12

Antekamma batena nakkulle taua angngassengi angkana apa kaminang baji' mae ri kalenna lalang katallassang sinampeka anne siagang tenaya matu-matunna, allaloa sanrapang bayang-bayang? Antekamma akkulle naasseng taua apa lakajarianga ri anne linoa punna matemi?

KATO'BA 8:13

Kabalekanna, tau ja'dalaka anggappai jai kasukkarrang. Lintaki allalo tallasa'na rapang bayang-bayang. Lamatei ri wattu rungkana lanri tena namannuruki mae ri Batarana.

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.