PAMMUJI 109:14 - KITTA' MATANGKASA'

¹⁴ Boli'mi kamma tuli Nau'rangi Batara kaja'dallanna boe-boena, siagang tena nikaluppai dosana amma'na.

PAMMUJI 109:14 ပူးပေါင်းရင်းမြစ်များ

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

2 SAMUEL 3:29

Lappassammi Yoab siagang sikontu kaluargana nihukkung lanri anjo panggaukanna. Dasi-dasi na lalang ri kaluargana Yoab siagang jari-jarina tuli nia'na tau garring sala, yareka bura'ne tenaya kagassinganna, yareka kakurangangi ri kanre-kanreang!”

2 KARAENG-KARAENG 11:1

Ri wattunna naasseng Atalya angkanaya matemi ana'na, iamintu Karaeng Ahazia, naparentakammi sollanna nibuno kabusu' sikontu kaluargana Ahazia.

2 KARAENG-KARAENG 8:27

Lanri pa'buntinganna, nia'mo passisambungang bijanna Ahazia siagang bijanna Karaeng Ahab. Anjo Ahazia dorakai mae ri Batara sangkamma nagaukanga kaluargana Ahab.

2 KARAENG-KARAENG 9:27

Naciniki Ahazia anjo apa kajarianga. Jari napalarimi karetana a'lampa mange ri kota Bet-Hagan. Niondammi ri Yehu siagang a'gorai ri ana' buana angkana, “Buno tongi anjo!” Nipanami ri ke'nanga na nataba ri agang a'lampa mangea ri Gur, ri ampi'na kota Yibleam. Mingka akkullei ta'lappasa' lari sa'genna mange ri Megido, nampa anjorempi mate.

NEHEMIA 4:5

TeaKi' pammopporangi kaja'dallanna ke'nanga siagang teaKi' kaluppai dosana ke'nanga, lanri le'ba'na nahina ikambe ambangunga kamma-kamma anne.”

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YEREMIA 18:23

Mingka iKatte, o Batara, Kiassengi sikontu apa narancanakanga ke'nanga untu' angngallei nyawaku. Lanri kammana anjo, teaKi' pammopporangngi ke'nanga; teaKi' lu'luki kasalanna ke'nanga. Kitunrungi ke'nanga sa'genna tu'guru'. Angngalle maKi' tindakang mae ri ke'nanga lanri larroTa.”

KAIMANGNGANG 26:39

Naia niaka sike'de' ammantang tassesa battu ri kau, attallasaka ri pa'rasanganna musunnu, lata'ronang-ronangi lanri dosa kalenna siagang dosana boe-boena.