PAMMUJI 109:13 - KITTA' MATANGKASA'

¹³ Boli'mi kamma nipaccappu' sikontu turunganna, na nikaluppai arenna ri ana'-ana' ri bokoa.

PAMMUJI 109:13 ပူးပေါင်းရင်းမြစ်များ

1 KARAENG-KARAENG 16:11

Tasalloai a'jari karaennamo Zimri, nabuno ngasemmi sikontu kaluargana Baesa. Ba'lalo sikontu bija-bijanna Baesa bura'nea kammayatompa agang-aganna kaluargana tena todong ta'lappasa'.

AYUB 18:17

Taniassengami, ri lalang yareka ri pantarang kota; tenamo manna sitau angngu'rangi arenna.

AYUB 18:19

Tenamo ana'na na turunganna; ri bori' parang lakkenna tenamo tassesa manna sitau.

PAMMUJI 21:10

Labattui sanrapang pepe' a'rinra-rinraya untu' ampossoki ke'nanga. Lanipaccappuki ke'nanga lalang pangngalarroinNa Batara, ri pepe' appakamutunga.

PAMMUJI 21:11

Tena latassesa battu ri turunganna ke'nanga, lanitumpasa' ngasengi ke'nanga ri karaenga.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

YEREMIA 22:30

“Anjo taua le'ba'mi nipattantu angkanaya latappelaki ana'-ana'na siagang tuli lasalasai lalang katallassanna. Battu ri jari-jarina tena tasalasa lalang ammarentana ri Yehuda, tena nasangkamma Karaeng Daud. INakke, Batara, anne akkana.”

PAMMILANGNGANG 27:4

Mingka angngapa namusti tappela' arenna battu ri bansa Israel lanri tenanaja bawang ana'na bura'ne? Sare tongi ikambe butta pisaka sangkamma siagang bija pammanakanna manggena ikambe maraenga.”

PAOLE 25:19

Lanri kammana anjo, punna Napassareammo Karaeng Allata'alanu anjo pa'rasanganga mae ri kau, siagang amang mako battu ri sikamma musunnu niaka ri tammulilinu, anjo sikontu tu Amalek musti nubuno ngasengi sa'genna nikaluppaimo ke'nanga. Teako kaluppai!”

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

PAOLE 9:14

Teako coba-cobai anrompaiA'. ErokKa' angngancuruki ke'nanga sa'genna nikaluppaimo ke'nanga. Mingka ikau laKupa'jariko mangge ri se'reang bansa lompoangnganga siagang kassakangnganga naanjo ke'nanga.’

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.