PAMMUJI 109:10 - KITTA' MATANGKASA'

¹⁰ Boli'mi kamma a'jari papala'-pala' mange-mange ana'-ana'na, siagang nibongka battu rumbangang balla'na.

PAMMUJI 109:10 ပူးပေါင်းရင်းမြစ်များ

2 SAMUEL 3:29

Lappassammi Yoab siagang sikontu kaluargana nihukkung lanri anjo panggaukanna. Dasi-dasi na lalang ri kaluargana Yoab siagang jari-jarina tuli nia'na tau garring sala, yareka bura'ne tenaya kagassinganna, yareka kakurangangi ri kanre-kanreang!”

2 KARAENG-KARAENG 5:27

Lanri nutarimana anjo passarea, lanutarima tongi anjo garrinna Naaman. Ba'lalo sa'genna satunggu-tungguna sikamma jari-jarinu lanagappai anjo garringa!” Ri wattunna assulu' Gehazi battu anjoreng, anggappami garring sala, iamintu a'jari kebo' sikalimi bukkulenna.

AYUB 27:14

Punna jai ana'na, lamatei ke'nanga lalang bundu' siagang ana' cucunna lakakurangangi lalang tallasa'na.

AYUB 5:4

Jari tale'bakami ana'-ana'na anggappa pangngatutui; taniakka ero' angngallei ke'nanga ri pangadelang.

PAMMUJI 37:25

Pakkaramula ri rungkaku sa'gengku toa, tale'bakai kucini' tau bajika nibokoi ri Batara, yareka a'jari papala'-palaki ana' cucunna.

PAMMUJI 59:15

Ri wattu karuenna ammotereki ke'nanga, pakantisi' giginna sanrapang kongkong angkulilingi kotaya.

YESAYA 16:2

Attayangi tu Moab ri birinna Binanga Arnon nampa lingu pitijappa-jappai, rapang jangang-jangang nibongka battu ri ru'munna.