PAMMUJI 107:7 - KITTA' MATANGKASA'

⁷ Naului ke'nanga ri oloang lambusuka mange ri tampa' pammantangnganga ri kotaya.

PAMMUJI 107:7 ပူးပေါင်းရင်းမြစ်များ

NEHEMIA 11:3

Ri kota-kota maraenga, ra'ya' Israel, sikamma imanga, tu Lewi, sikamma pajama Balla'Na Batara ri Yerusalem siagang sikamma turungang palayang ri Salomo, ammantangi ri tampa'na ke'nanga ri kota-kotana ke'nanga.

PAMMUJI 107:36

Tau cipuruka Naboli' anjoreng; ambangungi kota untu' pammantanganna ke'nanga.

PAMMUJI 107:4

Nia' a'la'bang mange-mange ri parang lompoa, tanaassenga oloang mange ri pammantangnganga ri kotaya.

PAMMUJI 136:16

Napimpingi umma'Na allalo ri parang lompoa; pangngamaseanNa sa'genna satunggu-tungguna.

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

PAMMUJI 78:52

Nampa Napimping umma'Na sanrapang pa'rappungang gimbala', narurungang ke'nanga angngolo ri parang lompoa.

YESAYA 30:21

Punna ammengkako battu ri oloanga, lanulangngereki battu ri boko sa'ranNa angkana, “Anne oloanga; anne nupinawang.”

YESAYA 32:18

Lanipakabellai umma'Na Allata'ala battu ri kasusaanga nampa attallasa' ri tampa' sannanga siagang amanga.

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

YEREMIA 31:24

Lammantangi taua ri Yehuda siagang ri desa-desana. Anjoreng lania' pamarri siagang tummarakai olo'-olo' sapi siagang gimbala'.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

PAMMILANGNGANG 9:22

Lalang nia'na anjo rammanga irateanganna KemaNa Batara, apaka ruangallo, sibulang, sitaung yareka la'bi, sikamma tomminjo sallona ke'nanga ammantang ri anjo tampaka. Punna nai' anjo rammanga, nampami a'lampa ke'nanga.

IBRANI 11:16

Mingka ma'nassami angkanaya nakkuki ke'nanga ri se'reang pa'rasangang la'bi bajika, iamintu pa'rasangang niaka ri suruga. Lanri kammana minjo natena nasiri'-siri' Allata'ala nikio' Allata'ala ri ke'nanga. Nasaba' le'ba'mi Napasadiang Allata'ala ke'nanga se're kota untu' ke'nanga.

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.

2 PETRUS 2:15

Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.

2 PETRUS 2:21

Anjo tau kammaya la'bi bajikangangi punna sikali tenale'bakai naasseng oloang tojeng battua ri Allata'ala, naia naassenga mingka taerokai anturuki apa Napassuroanga Allata'ala mae ri ke'nanga.