PAMMUJI 107:42 - KITTA' MATANGKASA'

⁴² Niciniki ri tau lambusuka na rannu, mingka tau ja'dalaka nitongkoki bawana.

PAMMUJI 107:42 ပူးပေါင်းရင်းမြစ်များ

AYUB 22:19

Tau bajika, ammakkala' rannui, punna nacini' tau ja'dalaka anggappa hukkungang.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PAMMUJI 52:6

Annipuko siagang kana-kanannu siagang nupa'risi pa'mai'na taua!

PAMMUJI 63:11

Lamatei ke'nanga lalang pa'bundukang, siagang la'jari kanrenai olo'-olo' pakanre dagenga.

KALAPPASSANG 11:7

Mingka ri bansa Israel tena nalaniganggu, baji' rupataua kammayatompa olo'-olo' piaraya. Jari lanuassemmi angkanaya iNakkemi Batara, ampasisalai tu Mesir siagang tu Israel.’ ”

PANGNGEBARANG 10:11

Kana-kananna tau bajika lappa'niaki tallasa' mate'ne, mingka ri bokona kana-kananna tau ja'dalaka taccokkoi pa'mai' pallaka.

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.