PAMMUJI 107:40 - KITTA' MATANGKASA'

⁴⁰ Nipakatunai ri Batara sikamma pamarentana ke'nanga, na nisuro ke'nanga a'la'bang a'lampa ri parang lompoa ia tenaya oloanna.

PAMMUJI 107:40 ပူးပေါင်းရင်းမြစ်များ

1 KARAENG-KARAENG 21:19

pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

AYUB 12:21

Napakasiriki tau nipakalompoa; Naallei kakoasanna tau koasaya.

AYUB 12:24

Napa'lingui sikamma pamimpinga, sa'genna piti lampa-lampai tanaassengai lanatujua ke'nanga.

PAMMUJI 107:4

Nia' a'la'bang mange-mange ri parang lompoa, tanaassenga oloang mange ri pammantangnganga ri kotaya.

PAMMUJI 78:66

Natunrungi ammunduru' balinNa, na Nabeta ke'nanga sa'genna satunggu-tungguna.

KALAPPASSANG 8:17

Nampa natunrummo Harun buttaya siagang takkanna, sa'genna tappinramo sikontu limbu'buka ri Mesir a'jari lamu' angkatulungai taua siagang olo'-oloka.

KALAPPASSANG 8:24

Napabattumi Batara katingaloa, sannaka jaina, mange ri balla' karaenga, siagang ri balla'na sikamma pagawena karaenga. Sanna'mi sessana sikontu pa'rasangang Mesir napakamma anjo katingaloa.

KALAPPASSANG 8:3

Anne Binanga Nil larassi siagang tumpang, sa'genna lassulu' anjo olo'-olo' kammaya battu lalang ri je'neka nampa antama' ri balla' kakaraengannu, antama' ri kamara' katinroannu siagang sikamma kamara' katinroanga, antama' ri sikamma balla'na sikamma pagawea siagang balla'na ra'yaka, ba'lalo antama' ri pattunuang rotia siagang panci-pancia.

KALAPPASSANG 8:4

Anjo tumpanga la'lumpaki siagang lanaambikko, siagang sikontu pagawea kammayatompa ra'yaka.”

DANIEL 4:33

Anjo memang wattua, a'rupami anjo kana-kanaya. Inakke, Nebukadnezar nibongkama' battu ri pa'rappunganna rupataua siagang angnganrema' ruku' sangkamma sapi. Nibasaimi batangkalengku ri allung, uukku a'jari la'bui sangkamma bulu balangkoa', siagang kanukungku a'jari la'bui sangkamma cakkara'na jangang-janganga.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.

PAPPICINI' 19:18

Maeko angkanrei assinna ngaseng karaenga, panglimaya, siagang assinna tau rewaya; maeko angkanrei assinna sikamma padongko' jaranga siagang jaranna ngaseng, kammayatompa assinna sikontu rupataua, tau lompo yareka tau ca'di, ata yareka tau bebasa'!”

HAKING-HAKING 4:21

Lanri sanna'na mangnganna, ta'do'do'mi Sisera sa'genna attinro jannang. Angngallemi Yael se're palu-palu siagang patto' kema, nampa palang-palang anreppessi Sisera. Nampa napatinting anjo pattoka ri pilisi'na Sisera sa'genna annarrusu' naung ri buttaya. Kammaminjo nanibunomo Sisera ri Yael.

1 SAMUEL 5:9

Mingka battuna mange anjoreng anjo pattia, nihukkung tommi ri Batara anjo kotaya, sa'genna gegere' lompo taua anjoreng. Nihukkummi pandudu'na anjo kotaya, tau rungka yareka tau toa. Akkambu'-kambussuluki kalenna ke'nanga.

1 SAMUEL 6:4

“Apami musti nipassareang mae ri Ia?” Kammaminjo pakkuta'nanna taua. Appialimi sikamma anjo imanga angkana, “Lima kambussulu' bulaeng siagang lima balao bulaeng, situru' bilanna sikamma karaenga ri Filistin. Sai anjo bala antabayako akkambu'-kambussuluki siagang sangkammai balao tanja'na, baji' nara'yaka kammayatompa karaenga?