PAMMUJI 107:2 - KITTA' MATANGKASA'

² Pau ma'mole-molei anjo kammaya, he ikau le'baka nipasalama' battu ri kasusaanga.

PAMMUJI 107:2 ပူးပေါင်းရင်းမြစ်များ

PAMMUJI 106:10

Lanri kammana Napasalama'mi ke'nanga battu ri limanna musua, Napakabebasa' battu ri koasana balinna.

PAMMUJI 130:8

Ia lampakabebasakki' battu ri sikontu kasalanta.

PAMMUJI 31:5

Kilappassanga' battu ri sikko' nitannanga untu' inakke, saba' iKattemi tampa' pa'la'langangku.

KALAPPASSANG 15:16

Tamaka malla'na ke'nanga ansa'bikangi kagassinganNa Batara. Ammalona ummatTa, takkulleai musua antahangi; ta'lappasa'mi bansa le'baka Kilappassang.

YESAYA 35:9

Ri anjo tampaka tena singa, yareka olo'-olo' sekke' maraengannaya. Sikamma tau Nipasalamaka ri Batara la'jappai angngolo anjoreng.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YESAYA 62:12

Lanigallaraki ke'nanga: ‘Umma' Matangkasa'’; ‘Umma' nipasalamaka ri Batara’. Yerusalem lanigallaraki ‘Kota ninyonyoka ri Batara’, ‘Kota tenayamo nanibokoi ri Batara’.

YESAYA 63:4

Le'ba'mi Kurancanakang allo pa'balassanga, siagang wattu kalappassanga mae ri ummakKu.

YEREMIA 15:21

LaKulappasangko battu ri kakoasanna sikamma tau ja'dalaka siagang pallaka. INakke, Batara, anne akkana.”

YEREMIA 31:11

Le'ba'mi Kupasalama' umma' Israel, siagang Kulappassang battu ri bansa kassaka.

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

LUKAS 24:21

Na sikontutojenna niminasai angkanaya Iami lallappassangi bansa Israelka. Na anne alloa makatallungallonami le'ba'na kajariang anjo passalaka.

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

PAOLE 15:15

U'rangi angkanaya ikau ata tonjako riolo ri Mesir nampa nipakabebasakko ri Karaeng Allata'alanu; iaminjo saba'na nakupassareang anne parentaya mae ri kau.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.