PAMMUJI 107:12 - KITTA' MATANGKASA'

¹² Nalicaki pa'mai'na ke'nanga lanri nasarena anjama battala'; tu'guruki ke'nanga natena antulungi.

PAMMUJI 107:12 ပူးပေါင်းရင်းမြစ်များ

2 KARAENG-KARAENG 14:26

Naciniki Batara antekamma sessana tu Israel, nampa tena manna sitau antulungi ke'nanga.

2 KARAENG-KARAENG 6:33

Tenapa napuppusu' bicaranna Elisa, battumi karaenga anjoreng na nakana, “Anne kasusaanga Batara ampabattui mae ri katte! Jari apapi matu-matungku manrannuang ri pannulunNa?”

NEHEMIA 9:37

Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

AYUB 9:13

Tena Natahangi Allata'ala larroNa siagang bambanna pa'mai'Na; manna sikamma pambantuna Rahab tundu' ngaseng todong mae ri Ia.

PAMMUJI 142:4

Ri wattu sike'de' mami kutappu' minasa, Kiassengi angkana apa musti kugaukang. Ri oloang mustia kulaloi, a'mere'-mereki musua attannang sikko' untu' inakke.

PAMMUJI 22:11

Battu ri lassukku, lalang limanTai sarengku, battu ri lalangku ri battang, iKattemi Allata'alaku.

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

YESAYA 51:23

Anjo passessaya Kupabattui mae ri tau anjallakkangako, le'baka assuroko attinro naung ri buttaya, na naonjo'-onjokangko, rapangko agang naoloa tau.”

YESAYA 52:5

Kamma-kamma anne apa urusangKu anrinni? Natahangko tu Babel, na natahang bawang-bawang jako. Anjo tau anjallakkangako tulusu' napattampoanna kalenna siagang nahinA'.

YESAYA 63:5

A'boyA' tau, mingka tena akkulle antulungA', lannasakKa' lanri tenana akkulle ambantuA'. Nampa kagassingang KalengKu antulungA', kalarroangKu ambantuA'.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.

HAKING-HAKING 16:30

Ammarrammi angkana, “Lappassamma' mate siagang ngaseng anne tu Filistin!” Na nagassingimo ansorongi anjo benteng-bentenga sa'genna rumbang. Na natujumo anjo limaya tukoasana tu Filistin, siagang sikamma tau niaka anjoreng. Mate tongi Simson. Mingka anjo ri wattu kamateanna jaiangangi tau nabuno na anjo ri lalang tallasa'na.