PAMMUJI 106:9 - KITTA' MATANGKASA'

⁹ Lanri parentaNa na'jari kalotoro' Tamparang Alara', Ia angngerangi umma'Na a'jappa numalo ri tamparang, sanrapang numalo ri parang lompoa.

PAMMUJI 106:9 ပူးပေါင်းရင်းမြစ်များ

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

PAMMUJI 18:15

Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.

PAMMUJI 66:6

Napinrai tamparanga a'jari butta kalotoro', nalimbangngi boe-boena ikambe a'jappa bangkeng. Na marannumo ikambe lanri panggaukanNa.

PAMMUJI 78:13

Nabage ruai tamparanga, nampa napalimbang ke'nanga; napaentengi je'neka sangkamma tembo' pammantangngang je'ne'.

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

YESAYA 51:10

IKatte todong ampakalotoroki tamparanga, je'ne' tamparang lantanga. IKatte appare' oloang lalang ri anjo je'neka, sollanna akkulle a'limbang sikamma tau Kipasalamaka.

NAHUM 1:4

Naga'garaki tamparanga na'jari kalotoro', Napaccappuki je'ne'na sikontu binangaya. Bulu' Karmel siagang sikamma paranga ri Basan a'jari kalotoroki na kalumeng sikamma bungaya ri Libanon.

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.