PAMMUJI 106:46 - KITTA' MATANGKASA'

⁴⁶ Napa'jarimi ke'nanga nikamaseang ri sikontu bansa antahangai ke'nanga.

PAMMUJI 106:46 ပူးပေါင်းရင်းမြစ်များ

1 KARAENG-KARAENG 8:34

poro Kipilangngeri laloi ke'nanga ri suruga. Poro Kipammopporangi dosana anne ummatTa, siagang Kierangi ammotere' mange ri pa'rasangang le'baka Kipassareang ri boe-boena ke'nanga.

1 KARAENG-KARAENG 8:50

Kipammopporangi sikontu dosana siagang kadorakanna ke'nanga mae ri Katte, siagang Kipa'jari anjo musu-musunna ke'nanga a'gau' baji' mae ri ke'nanga.

2 PATTOTTORANG 30:9

Punna ammoterekko mange anynyomba ri Batara, anjo tau le'baka allalingi bija pammanakannu salaku tunitahang, lamangngamaseangi siagang lanapa'biangi ke'nanga ammotere' mae anrinni ri pa'rasanganta. Anjo Karaeng Allata'alanu, Iami Allata'ala mabaji' siagang Mangngamaseangi; laNatarimako punna ammoterekko mae ri KalenNa.”

EZRA 1:6

Sikontu siampi' balla'na ke'nanga massing assaremi bantuang, iamintu a'rupa barang-barang, kammayami pakkakasa'-pakkakasa' pera' siagang bulaeng, untu' bokong ri aganga, olo'-olo' untu' atteke', barang-barang maraengannaya, kammayatompa passare-passare untu' ambangungi Balla'Na Batara ri Yerusalem.

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

YEREMIA 15:11

O Batara, punna ma'nassa tena memang kugaukangi tugasakku siagang baji', siagang tena nakualle musu-musua ri dallekanTa ri wattunna anggappa ke'nanga bala siagang susa, lappassammi kajariang tojeng pattunrana sikamma anjo taua. (

YEREMIA 42:12

Lanri mangngamaseangA' mae ri kau, laKupa'jari karaeng Babel mangngamaseang mae ri kau siagang lanapa'biangko ammotere'. INakke, Batara, anne akkana.’ ”