PAMMUJI 105:24 - KITTA' MATANGKASA'

²⁴ Napa'jari Batara pila' katambang jaina umma'Na, sa'genna la'bi kassa'mi nabalinna.

PAMMUJI 105:24 ပူးပေါင်းရင်းမြစ်များ

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 46:3

Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.

KALAPPASSANG 12:37

A'lampami tu Israel a'jappa bangkeng battu ri kota Raamses mange ri kota Sukot. Ia jaina ke'nanga iamintu 600.000 tau, tanirekengapi bai'-bainea siagang ana'-anaka.

LAMPA-LAMPANA 7:17

Ri wattunna la'birimmo narapi' wattunna laNarupai janjinNa Allata'ala mae ri Abraham, pila' katambammi jaina bansata ri pa'rasangang Mesir.

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

IBRANI 11:12

Manna pole nakanamo tulamate duduamo kalenna Abraham anjo wattua, mingka battu ri iami ammumba jaia sossorang, tenaya nakkulle nibilang jaina – sanrapanga bintoeng ri langi' yareka kassi' ri biring tamparang jaina.