PAMMUJI 105:16 - KITTA' MATANGKASA'

¹⁶ Napabattui Batara kacipuranga ri anjo pa'rasanganga, na Naalle sikontu parsadiaang kanrea.

PAMMUJI 105:16 ပူးပေါင်းရင်းမြစ်များ

PA'JARIANG 41:54

Jari battumi wattu tuju taunga sallona kacipuranga, sicoco' le'ba' siagang apa le'baka napau Yusuf. Kajariammi wattu kacipuranga ri sikontu linoa, mingka ri sikontu pa'rasangang Mesir nia'mo kanre-kanreang nipasadia.

PA'JARIANG 47:13

Anjo kacipuranga sanna'mi sarrinna, sa'genna tenamo lanikanrea ri kere-keremae. Ra'yaka ri Mesir siagang ri Kanaan dodong ngasemmi siagang tanakulleami napakamma cipuru'.

PA'JARIANG 47:19

Teaki' balang parekangi ikambe mate! Teaki' balang parekangi a'jari kalotoro' sikamma kokonna ikambe. Kiballimi anne kalenna ikambe siagang tampa'na ikambe. Gandummo kipare' pa'bayara'. Ikambe siagang tampa'na ikambe, a'jarimi karaeng pata. Kisaremi ikambe gandung untu' ansambungi tallasa'na ikambe, kammayatompa bine untu' nakioro' ri sikamma kokonna ikambe!”

2 KARAENG-KARAENG 8:1

Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

YEHEZKIEL 4:16

Nampa Nakana pole, “He tau, laKupanraki sikamma parsadiaang kanre-kanreanga ri Yerusalem. Lussaki siagang ranggaselai taua nanaukkuru'mo kanre nakanrea ke'nanga siagang je'ne' nainunga ke'nanga.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

HAGAI 2:17

AppaturungA' anging bambang siagang bosi batu untu' angngancuruki sikontu wassele' kokonnu, mingka tena tongijapa nuero' ammotere' mae ri Nakke.

LAMPA-LAMPANA 7:11

Nampa nia' se're wattu nanaalle kacipurang lompo tuma'buttaya ri sikontu pa'rasangang Mesir siagang pa'rasangang Kanaan, sa'genna sanna' ngaseng pa'risi'na katallassanna taua. Takkulleami anggappa apa-apa lanakanre boe-boeta.

PAPPICINI' 6:8

Kucinikimi, nampa nia' kucini' sikayu jarang pi'lasaka tanja'na. Pabaena niarengi Kamateang. Ri bokona a'reppese'mi amminawang Lino Kamateanga. Kakoasanga mae ri bage appa'na anne linoa nipassareangi mae ri ke'nanga, sollanna akkulle ke'nanga ammuno lalang ri pa'bundukanga, lalang ri kacipuranga, lalang ri kagarringanga, kammayatompa battu ri olo'-olo' sekkeka.