PAMMUJI 105:12 - KITTA' MATANGKASA'

¹² Riolo sangkamma tubattu-battu umma'Na Allata'ala anjoreng tena nasiapa jaina ke'nanga.

PAMMUJI 105:12 ပူးပေါင်းရင်းမြစ်များ

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

PA'JARIANG 23:4

“Inakke anne tubattu-battuja' ammantang ri tangnga-tangngata ngaseng; kisarea' pangngellai untu' ammalli siapa are luara'na butta sollanna akkulle kutarawang bainengku.”

PA'JARIANG 34:30

Nakanamo Yakub ri Simeon siagang Lewi, “Nususai ngasemma' antu. Kamma-kamma anne inakke nakabirisima' tu Kanaan, tu Feris kammayatompa sikontu tau niaka anrinni ri pa'rasanganga. Ikatte taunta tena najai. Punna asse're ngaseng anjo taua angngewa' siagang ambundukia', sikontu bija pammanakanta akkulle ngasengi naancuru'.”

KALAPPASSANG 6:4

Kulangngere'mi kunrarenna tu Israel, nipare' ataya ri bansa Mesir, nampa Kuu'rangimo anjo janjingKu.

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.

LAMPA-LAMPANA 7:5

Anjo wattua, manna sike'de' tania' anne pa'rasanganga Napassareanga Allata'ala mae ri Abraham a'jari pa'rasanganna; manna sipala' bangkeng tania' nipassareang mae ri ia. Mingka a'janji Allata'ala angkanaya laNapassareangi mae ri Abraham siagang sossoranna anne pa'rasanganga, a'jari pa'rasanganna. Anjo wattua tena ana'na Abraham.

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

PAOLE 7:7

Nakamaseangko siagang Napileko Batara, teai lanri la'bi lompoangangko na bansa-bansa maraenga; sikontu tojenna ikau bansa kaminang ca'di ri sikontu linoa.

IBRANI 11:12

Manna pole nakanamo tulamate duduamo kalenna Abraham anjo wattua, mingka battu ri iami ammumba jaia sossorang, tenaya nakkulle nibilang jaina – sanrapanga bintoeng ri langi' yareka kassi' ri biring tamparang jaina.

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.