PAMMUJI 105:1 - KITTA' MATANGKASA'

¹ Sukkurukko mae ri Batara, kabarrangi kalompoanNa, caritai panggaukanNa mae ri bansa-bansaya.

PAMMUJI 105:1 ပူးပေါင်းရင်းမြစ်များ

1 PATTOTTORANG 16:34

Sukkurukko ri Batara, nasaba' baji'Na; niaki pangngamaseanNa satunggu-tungguna.

1 PATTOTTORANG 25:3

Annanga ana' bura'nena Yedutun iamintu: Gedalya, Zeri, Yesaya, Simei, Hasabya, siagang Matica. Nipimpingi ke'nanga ri manggena untu' ampabattui pappasanNa Allata'ala nirurungang ri musi' kacapi, siagang akkelong-kelong ammuji kammayatompa appala' sukkuru' ri Batara.

1 PATTOTTORANG 29:13

Kamma-kamma anne, o Allata'alana ikambe, appala' sukkuruki ikambe mae ri Katte, siagang mammuji ikambe ri areng mala'biritTa.

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

PAMMUJI 106:1

Pujimi Batara! Sukkurukko mae ri Batara, saba' bajiki; pangngamaseanNa sa'genna satunggu-tungguna.

PAMMUJI 89:1

Kelong pangngajara' battu ri Etan, tu Ezrahi.

PAMMUJI 96:3

Caritai kalompoanNa mae ri bansa-bansaya, siagang panggaukang-panggaukang poreNa mae ri umma' rupataua.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

YESAYA 12:4

Nia' sallang se're wattu na nukana, “Sukkurukko mae ri Batara, siagang anynyombako ri Ia. Kabarrangi mae ri bansa-bansaya kalompoanNa siagang sikontu panggaukanNa.

YESAYA 51:10

IKatte todong ampakalotoroki tamparanga, je'ne' tamparang lantanga. IKatte appare' oloang lalang ri anjo je'neka, sollanna akkulle a'limbang sikamma tau Kipasalamaka.

DANIEL 3:29

Lanri kammana anjo kuparentakangi angkanaya sikamma tau battua ri bansa-bansaya, ri suku bansaya yareka bahasaya, ia le'baka appasulu' kana-kana anghinai Allata'ala nasombaya Sadrakh, Mesakh siagang Abednego, lanikere'-kereki siagang lanirumbangi balla'na a'jari tambungang loro. Nasaba' tena rewata akkulle anggaukangi anjo apa le'baka Nagaukang Allata'ala.”

YO"EL 2:32

Mingka inai-nai appala' pannulung mae ri Batara, iami lanipasalama'. Nakana Batara, “Ri Yerusalem sikamma tau Kupilea lasalamaki.”

PAMMILANGNGANG 23:23

Tena pangngissengang akkulle andallekangi Yakub tena baca-baca makoasa mae ri tu Israel. Ri passala'na anjo bansaya nakana taua, ‘Ciniki gau' malompo Nagaukanga Allata'ala!’

LAMPA-LAMPANA 9:14

Na kamma-kamma anne nia'mi battu anrinni, angngerang sura' koasa battu ri imang-imang kapalaya, sollanna akkulle najakkala' sikamma tau tappaka mae ri Katte.”

ROMA 10:13

Nia' tattulisi' lalang ri Kittaka angkanaya, “Sikamma tau akkioka mae ri Batara lasalama' ngasengi.”