PAMMUJI 104:4 - KITTA' MATANGKASA'

⁴ Anging Kipa'jari suroTa, na kila' a'jari palayanTa.

PAMMUJI 104:4 ပူးပေါင်းရင်းမြစ်များ

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

2 KARAENG-KARAENG 6:17

Nampa appala' doang Elisa angkana, “O Batara, dasi-dasi natassungke matanna palayangku sollanna akkulle accini'!” Niturukiammi pappala'na Elisa, sa'genna ri wattunna assaile palayanna, nacini'mi anjo monconga rassi siagang jarang na kareta a'rinra angkulilingi Elisa.

PAMMUJI 148:8

he kila' siagang bosi eska siagang rammanga, anging kancang mannurukia ri parentaNa Batara!

YEHEZKIEL 1:13

Ri tangnga-tangngana anjo apa attallasaka nia' kucini' sangkamma bara pepe' yareka sulo a'rinra, a'gio'-gio' tenammari-marina, anjo pepeka a'lepa'-lepaki siagang apparacciki kila'-kila' a'lepa'.

ZAKHARIA 6:5

Appialimi angkana, “A'lampai ke'nanga mae ri appaka oloang ri wattu le'ba'na ke'nanga andallekang mae ri Batarana sikontu linoa.

LAMPA-LAMPANA 23:8

Nasaba' panggappana tu Sadukia nakana, tena nalattallasa' poleang tau matea, siagang tena malaeka', kammayatompa tena natappa' ke'nanga angkana nia' roh-roh; mingka tu Farisia tappaki angkanaya, lattallasa' poleangi tau matea, angkanaya nia' malaeka' siagang nia' roh-roh.)

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 1:7

Ri sesena sikontu malaekaka, akkana kammai anne Allata'ala, “Napa'jari kammai anging malaeka'-malaeka'Na Allata'ala, siagang Napa'jari kammai pepe' palayang-palayanNa.”