PAMMUJI 104:30 - KITTA' MATANGKASA'

³⁰ Mingka punna Kisare ke'nanga nappasa', nipa'jarimi ke'nanga; Kisarei katallassang beru linoa.

PAMMUJI 104:30 ပူးပေါင်းရင်းမြစ်များ

AYUB 12:10

Ia angngatoroki tallasa'na sikontu niaka attallasa'; Ia Makoasa mae ri nyawana tunggala' rupataua.

AYUB 26:13

Nappasa' antuiki langika sa'genna singara' sikali; limanNa ambunoi naga eroka lari.

AYUB 33:4

RohNa Allata'ala ampa'jaria' siagang assarea' tallasa'.

PAMMUJI 33:6

Assarei parenta Batara, na'jarimo langika; mataallo, bulang, na bintoeng nipa'jari ri kananNa.

YESAYA 65:17

Nakana Batara, “LaKupa'jari langi' berua siagang butta berua. Sikamma kajariang rioloa lanikaluppai siagang talaniu'rangiami.

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.

YEHEZKIEL 37:5

“INakke Batara Kaminang Tinggia ampatuiki nappasaka antama' ri kalennu sollannu attallasa' poleang.

YEHEZKIEL 37:6

Kusareko ammotere' ura'-ura' siagang assi kammayatompa Kurokokko bukkuleng. LaKusareko nappasa' sa'gennu attallasa' poleang. Jari nuassemmi angkanaya iNakkemi Batara.”

YEHEZKIEL 37:9

Nakana Allata'ala ri nakke, “He tau, a'bicarako mae ri anginga. Pauangi angkana iNakke, Batara Kaminang Tinggia amparentakangi mae ri ia sollanna nia' battu ri kere-keremae, untu' ampatuiki nappasaka antama' ri anjo sikamma tubu matea sa'genna attallasa' poleang.”

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

PAPPICINI' 21:5

Nampa Nakanamo anjo niaka ammempo irate ri empoang kala'biranga, “Kamma-kamma anne Kupa'jari beru ngasemmi sikontu apa-apa niaka!” Nakana pole ri nakke, “Tulisiki anne, nasaba' sikamma anne kana-kanaya sangnging kana tojeng siagang siratangi nipatappa'.”