PAMMUJI 104:15 - KITTA' MATANGKASA'

¹⁵ nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

PAMMUJI 104:15 ပူးပေါင်းရင်းမြစ်များ

PA'JARIANG 18:5

Lakupappatalangki' sike'de' kanre, sollanta anggappa kagassingang untu' ampatulusuki pa'jappanta. Kipakalompoma' lanri erotta assengka ri balla'na anne atanta.” Appialimi ke'nanga angkana, “Tarima kasi ri anjo kabajikang pa'mai'nu. Lassengkai ikambe.”

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

PAMMUJI 105:16

Napabattui Batara kacipuranga ri anjo pa'rasanganga, na Naalle sikontu parsadiaang kanrea.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

PANGNGEBARANG 31:6

Inungang terasaka iami untu' tau ta'ronanga siagang tau si'naya pa'mai'na.

PANGNGEBARANG 31:7

Angnginungi ke'nanga untu' angkaluppai kakasi-asianna siagang kasusaanna ke'nanga.

KATO'BA 10:19

Passua'-suarranga angngerangi kakkala', na anggoroka appakarannu. Mingka parallui nia' doe' untu' pa'bayara'na.

KATO'BA 8:1

Tamaka sannanna tau cara'deka. Naassengi pialinna sikamma parkaraya. Kacara'dekanga ampa'jari rannui siagang ta'muri, sa'genna tuli accaya rupanna.

KATO'BA 9:7

Umba, ningnganremo siagang a'rannu-rannu, inungi anggoro'nu numatte'ne-te'ne pa'mai'. Tena Napappisangkangi Allata'ala, ba'lalo Nakellai.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

YESAYA 55:10

Rapang bosi turunga battu ri langi', na tammotera nai', passangalinna nabasai buttaya, napakacoppongi siagang napattimboi lamung-lamunga, assarei wassele' untu' nipakioro' siagang untu' nikanre,

YEREMIA 31:12

Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.

YEHEZKIEL 14:13

punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.

YEHEZKIEL 4:16

Nampa Nakana pole, “He tau, laKupanraki sikamma parsadiaang kanre-kanreanga ri Yerusalem. Lussaki siagang ranggaselai taua nanaukkuru'mo kanre nakanrea ke'nanga siagang je'ne' nainunga ke'nanga.

YEHEZKIEL 5:16

LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

ZAKHARIA 10:7

Umma' Israel la'jari sangkamma tubarani makassaka, rapang tau angnginunga anggoro' larannui pa'mai'na ke'nanga. Jari-jarina ke'nanga battu ri jammanga mae ri jammang poleanga talanakaluppaiyai anne pammetang Kupassareanga. La'rannu-rannui ke'nanga lanri apa Kugaukanga mae ri ke'nanga.

MARKUS 14:23

Le'baki anjo angngallemi se're canteng pangnginungang anggoro'. Appala' sukkuru'mi ri Allata'ala, nampa Napassareang anjo canteng le'baka nabonei anggoro' mae ri ana'-ana' gurunNa. Nainummi ana'-ana' gurunNa anjo anggoroka.

LUKAS 7:46

Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

PAOLE 28:40

Attimboi poko' zaitunga ri sikontu pa'rasangannu, mingka lalelasaki runang sikamma rapponna, sa'genna tena nunggappa minynya'.

PAOLE 8:3

Nalappassangko cipuru', nampa Nasareko manna untu' nukanre. Ikau siagang boe-boenu tale'bakako angnganre kanre kammaya anjo rioloangnganna. NaNagaukang Batara anjo kammaya lanri erokko Naajara' angkanaya anjo rupataua tena naporo kanreji bawang nakkulle attallasa', passangalinna battu ri sikontu apa Nakananga Batara.

IBRANI 1:9

MangngaiKo ri kaadelanga, birisikKo ri kajekkonganga; iaminjo saba'na, naNapileKo Allata'ala, iamintu Allata'alaNu, na Nasareko kalompoang, langngeranga karannuang, la'bianganga na agang-aganNu.”

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

HAKING-HAKING 19:5

Ri makaappa'na alloa, ambangung bari'basa' dudumi ke'nanga apparuru untu' a'lampa. Mingka nakanamo manggena anjo bainea mae ri anjo tu Lewia, “Angnganreko rolong sollannu gassing. Sinampeppa nu'lampa.”

HAKING-HAKING 9:13

Mingka appialimi poko' anggoroka angkana, ‘Masakang musti lakupammari assare wassele' anggoro' ampakasannangai pa'mai'na rewata-rewataya siagang rupataua, lanri poro la'jari karaennu!’

HAKING-HAKING 9:9

Appialimi poko' zaitunga angkana, ‘Tena kuero' nasaba' punna a'jaria' karaennu, musti ammarima' assare wassele' minynya' zaitun, biasaya nipake untu' ampakalompoi rewata-rewataya siagang rupataua.’