PAMMUJI 103:19 - KITTA' MATANGKASA'

¹⁹ Ammarentai Batara ri suruga, Ia Karaeng makoasa mae ri sikontu-kontuna.

PAMMUJI 103:19 ပူးပေါင်းရင်းမြစ်များ

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

1 PATTOTTORANG 29:12

Sikontu kakalumanynyanganga siagang kasalewanganga iKatte ngaseng nakabattui; sikontu-kontuna iKatte ngaseng angkoasai lalang kagassinganTa siagang kakoasanTa; iKatte makoasa ampa'jari manna inai-nai a'jari tau lompo siagang magassing.

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

PAMMUJI 115:3

Allata'alata niaki ri suruga, Nagaukangi apa Nakaerokia.

PAMMUJI 2:4

A'mele'mi Batara ri empoang kala'biranNa ri suruga nacau-cau rancanana ke'nanga.

PAMMUJI 47:2

Attempa-tempa limako siagang rannu, he sikontu bansaya! Pujimi Allata'ala siagang pakkio' rannu!

PAMMUJI 9:7

Cappu'mi Kipa'la'busu' musunna ikambe, Kiancuruki kota-kotana ke'nanga; tenamo tau langngu'rangi poleangi.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

DANIEL 4:17

Iaminjo kaputusanna ikambe malaeka'-malaeka' tutua siagang jaga-jagaya. Ero'na ikambe iamintu sollanna sikontu taua ri kere-keremae naani angkanaya Allata'ala Kaminang Tinggia makoasa mae ri kakaraengang rupataua siagang anjo kakaraenganga Napassareangi manna pole ri nai Napilea, ba'lalo tau kaminang tenaya pole anggaranna!’

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

IBRANI 8:1

Poko'na anne sikamma nibicaraya iamintu: Nia' Imang Malompota sangkammaya anjo; niaka ammempo ammarenta siagang Allata'ala Kaminang Lompoa ri suruga.

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.