PAMMUJI 102:26 - KITTA' MATANGKASA'

²⁶ riolo iKatte ampa'jari linoa; langika pole bate paretTa todong.

PAMMUJI 102:26 ပူးပေါင်းရင်းမြစ်များ

2 KARAENG-KARAENG 19:15

nampa appala' doang angkana, “O Batara, Allata'alana tu Israel, niaka ri empoang kala'biranNa irate ri patunna malaeka' akka'nyika, tena ruanTa Allata'ala makoasaya mae ri sikontu kakaraenganga ri tompo'na buttaya. IKattemi ampa'jari langika siagang buttaya.

AYUB 38:4

Nia' memang makoka ri wattunna Kupa'jari linoa? Punna jai padeng pangngassengannu, pauamMa'!

PAMMUJI 102:12

Allaloi tallasakku sanrapang bayang-bayang ri wattu karueng; a'jari kalumenga' sanrapang ruku'.

KALAPPASSANG 3:14

Nakanamo Allata'ala, “INakke iamintu INAKKE NIAKA. Iaminne musti nupau mae ri bansa Israel angkanaya, Ia niarenga INAKKE NIAKA, Iaminjo assuroa' battu mae ri kau ngaseng.

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

YESAYA 65:17

Nakana Batara, “LaKupa'jari langi' berua siagang butta berua. Sikamma kajariang rioloa lanikaluppai siagang talaniu'rangiami.

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

LUKAS 21:33

Lalanynya' ngasengi langika siagang linoa, mingka kana-kanangKu tuli lania'na satunggu-tungguna.”

ROMA 8:20

Nasaba' niboli'mi a'jari jappo' linoa, teai lanri ero'na linoa, passangalinna lanri niboli'na kamma ri Allata'ala. Mingka manna nakamma nia'ija panrannuang:

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

PAPPICINI' 21:1

Nampa nia'mo kucini' langi' beru siagang lino beru. Tenami langi' uru-urua siagang lino uru-urua; kammayatompa tamparanga lanynya' tommi.