PAMMUJI 102:17 - KITTA' MATANGKASA'

¹⁷ punna nabangung Batara ammotere' Sion, na maju lalang ri kalompoanNa.

PAMMUJI 102:17 ပူးပေါင်းရင်းမြစ်များ

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

NEHEMIA 1:6

Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

NEHEMIA 2:20

Appialima' angkana, “Allata'ala, makoasaya ri suruga, iami lassarei ikambe pakkulle sa'genna a'jari anne jama-jamanna ikambe. Ikambe anne atanNa siagang lappakkaramulai ambangung ikambe. Mingka ikau ngaseng antu, tena ha'nu siagang tena apa-apannu ri Yerusalem. Ba'lalo punna a'bicara taua ri passala'na Yerusalem, talanitappuai arennu kau.”

PAMMUJI 147:2

LaNapammollei Batara Yerusalem; laNapoterangi sikamma tau nipelaka.

PAMMUJI 22:24

Iami puji, he, sikamma tau mappilangngeria! Iami pakalompo, ikau sikontu turunganna Yakub! Su'jukko ri Ia, ikau sikontu turunganna Israel!

PAMMUJI 69:23

Boli'mi kamma angngerang cilaka parjamuanna ke'nanga, na a'jari sikko' mae ri sikamma toananna ke'nanga.

PAMMUJI 72:12

Saba' nalappassangi tu nijallakkanga siagang tu tenaya pakkullena, siagang akkioki tu kasi-asia mae ri ia.

PAMMUJI 9:18

Mate kale'bakkanna tu ja'dalaka, bansa-bansa tenaya najampangi Allata'ala.

YESAYA 40:5

Nalanipa'nyata kala'biranNa Batara; sikontu rupataua lanasa'bi. Tojeng, KalenNa Batara le'ba' a'janji!”

YESAYA 44:26

INakke ampakajarreki kananna atangKu, siagang anggaukangi rancana napa'nyataya tunisuroKu, iNakke angkana lanipammantangngi poleammi Yerusalem, siagang kota-kota Yehuda laKubangung poleangi ammotere'; laKupakabajiki sikamma rumbanganna.

YEREMIA 31:38

Nakana Batara, “Lanarapiki sallang wattunna sikontu Yerusalem lanibangungi ammotere' a'jari kotaKu, battu ri Menara Hananeel sa'genna Pakke'bu' Lompo Panyingkuluka.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.