PAMMUJI 10:14 - KITTA' MATANGKASA'

¹⁴ Mingka iKatte Kiciniki; Kiparhatikangi kasusaanga siagang kasessanga, na Kituli sadia untu' annulung. Tu tenaya pakkullena napassareangi kalenna mae ri Katte, tuli Kitulungi tu kasi-asia.

PAMMUJI 10:14 ပူးပေါင်းရင်းမြစ်များ

PA'JARIANG 21:17

Nalangngere'mi Allata'ala sa'ranna Ismael. Nampa a'bicaramo malaeka'Na Allata'ala battu rate ri langika mae ri Hagar, angkana, “Apa nukasusang Hagar? Teako mallakki. Nalangngere'mi Allata'ala sa'ranna ana'nu.

PA'JARIANG 31:12

Nakanamo pole anjo malaekaka, ‘Ciniki, sikontu anjo bembe laki sitabanga a'laki, a'buriki, a'batti'-battiki siagang a'ballangi. Kukunjungi angngerangi anjo mae ri kau, nasaba' Kucini' ngasemmi apa nagaukanga Laban mae ri kau.

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

2 PATTOTTORANG 6:23

o, Batara, poro Kipilangngeri laloi battu ri suruga nampa Kitappuki parkarana anne ata-atanTa. Kihukkungi salaya nampa Kilappassang tenaya nasala.

PAMMUJI 146:9

Najagai tau battu-battua; Natulungi sikamma jandaya siagang ana' kukanga, mingka napassalasai rancanana tau ja'dalaka.

PAMMUJI 22:11

Battu ri lassukku, lalang limanTai sarengku, battu ri lalangku ri battang, iKattemi Allata'alaku.

PAMMUJI 31:8

Rannua' na kuma'reja-reja saba' tuli Kikamaseanga'. IKatte anciniki pa'risikku na Kiparhatikang kasusaangku.

PAMMUJI 35:22

Mingka iKatte, O, Batara, le'ba' anciniki; teaKi' a'mereki, o, Batara, teaKi' bellai battu ri nakke.

PAMMUJI 55:22

Kana-kananna baji' sikali manynyonyo', mingka atinna lalang sangnging kabirisang. Bicaranna lamma sikali, mingka anno'doki sanrapang pa'dang taranga.

PAMMUJI 68:5

Makkelongko mae ri Allata'ala, pujimi arenNa, pasadiai agang lompoa labattua a'dongko' rammang. ArenNa Batara, assannang-sannang mako ri dallekanNa!

PAMMUJI 68:6

Allata'ala niaka ammantang ri Balla' matangkasa'Na a'jari mangge mae ri ana' kukanga siagang angngagangngangi sikamma jandaya.

KALAPPASSANG 2:25

Nacini'mi tu Israel nipa'jari ata, jari Natappukimi untu' laNatulung ke'nanga.

KALAPPASSANG 22:22

Teako bawang-bawangngangi jandaya yareka ana' kukanga.

KALAPPASSANG 22:26

Punna nualle jubana parannu tau a'jari passikko' lanri inranna, anjo jubaya musti nupoterangi lalang tenanapa nalabu alloa,

PANGNGEBARANG 15:25

LaNarumbangi Batara balla'na tau tinggi langgaya, mingka laNajagai buttana sitaua janda.

PANGNGEBARANG 15:3

Naciniki Batara sikontu apa kajarianga ri sikontu tampa'; Naparhatikangi sikontu apa bajika siagang ja'dalaka.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

YEREMIA 49:11

He Edom! Boli'mi ana'-ana' kukannu ri Nakke, iNakke lamparakai ke'nanga. Lappassammi sikamma jandaya napadongko' panrannuanna mae ri Nakke.

YEREMIA 51:56

Battui ke'nanga untu' ampanraki Babel, anjakkalaki tantara-tantarana siagang antepoki sanjatana ke'nanga. INakkemi Batara anghukkungi ke'nanga kaja'dallanna, siagang Babel laKubalasaki situru' siagang panggaukanna.

PIRAUNG 3:59

Kiciniki kaja'dallang nigaukanga mae ri kalengku, rancana ja'dala'na musu birisika ri kalengku. Lanri kammana anjo, o Batara, alleia' anne ri parkaraku.

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

YO"EL 3:4

LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

HABAKUK 1:13

Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

PAOLE 10:18

Naalleangangi ha'na ana'-ana' kukanga siagang jandaya, sollanna akkulle nakasia' ke'nanga kaadelanga; Nakamaseangi tubattu-battua niaka sipattallassang siagang bansata na Nasare ke'nanga kanre siagang pakeang.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

1 PETRUS 5:7

Erangi ranggaselanu mae ri Allata'ala, nasaba' Iami anjampangiko.

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.