PAMMILANGNGANG 9:22 - KITTA' MATANGKASA'

²² Lalang nia'na anjo rammanga irateanganna KemaNa Batara, apaka ruangallo, sibulang, sitaung yareka la'bi, sikamma tomminjo sallona ke'nanga ammantang ri anjo tampaka. Punna nai' anjo rammanga, nampami a'lampa ke'nanga.

PAMMILANGNGANG 9:22 ပူးပေါင်းရင်းမြစ်များ

PAMMUJI 107:7

Naului ke'nanga ri oloang lambusuka mange ri tampa' pammantangnganga ri kotaya.

PAMMUJI 143:10

Ajaria' anggaukangi erotTa, saba' iKattemi Allata'alaku. IKatte baji' pa'mai' lanrenrenga' mange ri oloang lapparaka.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

PAMMUJI 48:14

Parhatikangi tembo'na, paressai tembo' pattahanganna, sollanna akkulle nucarita mae ri turungannu:

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

KALAPPASSANG 39:42

Le'ba'mi nagaukang tu Israel sikontu jama-jamanga anjo, situru' parentaNa Batara mae ri Musa.

KALAPPASSANG 40:16

Nagaukammi Musa sikontu anjo apa Naparentakanga Batara.

PAMMILANGNGANG 1:54

Jari nagaukammi tu Israel sikontu anjo apa Naparentakanga Batara mae ri Musa.

PAMMILANGNGANG 8:20

Lanri kammana anjo, Musa, Harun siagang sikontu umma' Israel napassareammi anjo tu Lewi mae ri Batara, sangkamma Naparentakanga Batara mae ri Musa.

PAMMILANGNGANG 9:17

Sampang naiki anjo rammanga, nabongkara'mi tu Israel pakkemaanna, nampa a'lampa. Nampa kemae-kemae naung anjo rammanga, anjoremmi ri tampaka akkema poleang ke'nanga.

PAMMILANGNGANG 9:21

Nia' wattu nammantang anjo rammanga poro battu ri karuenna sa'genna bari'basa', na punna nai' anjo rammanga ri bari'basa'na, a'lampami ke'nanga. Kere wattu nanai' anjo rammanga, baji' naallo yareka bangngi, a'lampami ke'nanga.

LAMPA-LAMPANA 1:4

Na ri wattunna a'rappungang siagang ke'nanga, Nasaremi parenta ke'nanga Nakana, “Teako rolong a'lampai battu ri Yerusalem. Attayangko rolong anjoreng, sa'gennu Nasare Allata'ala anjo apa le'baka Napa'janjiang, iamintu apa le'baka Kupau ri kau ri pirangalloang.