PAMMILANGNGANG 8:20 - KITTA' MATANGKASA'

²⁰ Lanri kammana anjo, Musa, Harun siagang sikontu umma' Israel napassareammi anjo tu Lewi mae ri Batara, sangkamma Naparentakanga Batara mae ri Musa.

PAMMILANGNGANG 8:20 ပူးပေါင်းရင်းမြစ်များ

KALAPPASSANG 12:50

Mannuruki ngasemmi tu Israel siagang nagaukang ngasemmi sikamma anjo apa le'baka Naparentakang Batara mae ri Musa siagang Harun.

PAMMILANGNGANG 1:50

Suroi ke'nanga angngurusuki KemaKu siagang sikontu pakkakasa'na. Tugasa'na ke'nanga iamintu ampisangi KemaKu siagang pakkakasa'na kammayatompa naurusuki. Musti akkemai ke'nanga ri tammulilina.

PAMMILANGNGANG 1:54

Jari nagaukammi tu Israel sikontu anjo apa Naparentakanga Batara mae ri Musa.

PAMMILANGNGANG 8:19

nampa anjo tu Lewia Kupassareangi mae ri Harun siagang sikamma ana'-ana'na, sollanna akkulle nagaukang tugasaka untu' tu Israel lalang ri KemaKu. Kammayatompa sollanna appala' ke'nanga pammopporokKu untu' bansa Israel, sollanna anjo bansaya tena natujui bala punna battui ke'nanga a'reppese' dudu ri anjo tampa' matangkasaka.”

PAMMILANGNGANG 8:21

Anjo tu Lewi nagaukammi upacara pannangkasia ri kalenna siagang nasassami pakeanna ke'nanga nampa nipassareang ke'nanga ri Harun salaku passare nisa'la' mae ri Batara. Nagaukang tommi Harun upacara pannangkasia mae ri ke'nanga.

PAMMILANGNGANG 9:22

Lalang nia'na anjo rammanga irateanganna KemaNa Batara, apaka ruangallo, sibulang, sitaung yareka la'bi, sikamma tomminjo sallona ke'nanga ammantang ri anjo tampaka. Punna nai' anjo rammanga, nampami a'lampa ke'nanga.

PAMMILANGNGANG 9:5

Napakalompomi ke'nanga anjo allo Paskaya ri parang lompona Sinai ri wattu karueng tanggala' sampulo angngappa' bulang se're. Yangasenna anjo nagaukammi ke'nanga situru' apa Naparentakanga Batara mae ri Musa.