PAMMILANGNGANG 8:13 - KITTA' MATANGKASA'

¹³ Sa'laki tu Lewi untu' iNakke siagang suroi ke'nanga allayani Harun siagang sikamma ana'na.

PAMMILANGNGANG 8:13 ပူးပေါင်းရင်းမြစ်များ

PAMMILANGNGANG 18:6

Sikontutojenna, le'ba'mi Kupilei sikamma bija pammanakannu tu Lewi battu ri alla'na bansa Israel salaku passare mae ri Nakke. Le'ba'mi Kusa'la' ke'nanga untu' KalengKu, untu' allayaniA' ri KemaKu.

PAMMILANGNGANG 8:11

nampa napassareangi Harun anjo tu Lewia salaku passare nisa'la'na tu Israel mae ri Nakke, sollanna akkulle nagaukang ke'nanga ibadaKu.

PAMMILANGNGANG 8:12

Nampa tu Lewia musti napadongkoki limanna ke'nanga irate ri tompo' ulunna anjo ruaya sapi laki; anjo sikayua musti nipassareangi untu' koro'bang pammopporang dosa, nampa anjo sikayua pole untu' koro'bang nitunu. Kammaminjo upacarana nanitangkasi tu Lewi.

PAMMILANGNGANG 8:14

Lanri iaminjo upacaraya nanusa'la'mo tu Lewi battu ri tu Israel maraengannaya, sollanna a'jari iNakke ampatangi.

PAMMILANGNGANG 8:21

Anjo tu Lewi nagaukammi upacara pannangkasia ri kalenna siagang nasassami pakeanna ke'nanga nampa nipassareang ke'nanga ri Harun salaku passare nisa'la' mae ri Batara. Nagaukang tommi Harun upacara pannangkasia mae ri ke'nanga.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.